ភ្នំពេញ៖ (ខ្មែរថាមស៍) ក្រសួងវប្បធម៌ និងវិចិត្រសិល្បៈ នឹងចាត់វិធានការទៅលើទីតាំង ខារ៉ាអូខេ យីហោ New Star Karaoke ដែលបានយករបាំប្រពៃណីជូនពរ ទៅសម្ដែងក្នុងបន្ទប់ខារ៉ាអូខេ នៅពេលយប់ បំពានលើសិល្បៈវប្បធម៌ខ្មែរ។
.
ភ្នំពេញ៖វិទ្យាស្ថាននិងសាលារៀនអន្តរទ្វីបអាមេរិកាំង បានរៀបចំប្រារព្ធទិវាវប្បធម៌លើកទី១១ នៅមុនថ្ងៃបុណ្យចូលឆ្នាំថ្មីប្រពៃណីជាតិខ្មែរ កន្លងមកដោយមានការអញ្ជើញចូលរួមអបអរសាទរពីសំណាក់លោកគ្រូ អ្នកគ្រូ បុគ្គលិក សិស្សានុសិស្ស រួមទាំងសាធារណជនទូទៅយ៉ាងច្រើនកុះករនៅបីសាខាផ្សេងគ្នារួមមានសាខាម៉ៅសេទុង (ការិយាល័យកណ្ដាល) សាខាទួលគោក និងសាខាចាក់អង្រែ កាលពីព្រឹកថ្ងៃទី០៩ ខែមេសា ឆ្នាំ២០១៦ កន្លងទៅថ្មីៗនេះ។ ទិវាវប្បធម៌នេះ ត្រូវបានប្រព្រឹត្តទៅប្រកបដោយសប្បាយរីករាយយ៉ាងក្រៃលែង អ្នកចូលរួមបានស្លៀកសំលៀកបំពាក់ដែលបង្ហាញអំពីវប្បធម៌ និងប្រពៃណីទំនៀមទម្លាប់ខ្មែរបុរាណ មានការសម្ដែងកម្មវិធីលើឆាក ការច្រៀងចម្រៀងបុរាណ និងសម័យ ការរាំរបាំបុរាណខ្មែរ កីឡាល្បុក្កតោ ការសម្ដែងរឿងខ្លីអប់រំ ការឆ្លងឆ្លើយសំណួរ និងពិពណ៌នាអំពីប្រវត្តិបុណ្យចូលឆ្នាំថ្មី ការបង្ហាញអត្ថន័យ និងរបៀបលេងល្បែងប្រជាប្រិយ។ ការជួបជុំគ្នានោះដែរ ក៏រាំលេងចង្វាក់ប្រពៃណីយ៉ាងជក់ចិត្តបំផុតពីអ្នកចូលរួមកម្សាន្តជាច្រើន ព្រមទាំងមានសកម្មភាពស្ម័គ្រចិត្តរបស់ប្អូនៗសិស្សានុសិស្ស និងលោកគ្រូ អ្នកគ្រូ រួមគ្នាស្វែងរកនូវថវិកាសប្បុរសធម៌ពីសប្បុរសជនតាមរយៈការដាក់លក់នូវវត្ថុអនុស្សាវរីយ៍…
ភ្នំពេញ៖(ខ្មែរថាមស៍)មន្ត្រីជាន់ខ្ពស់នៃក្រសួងការងារបានឲ្យដឹងថាអាជ្ញាធរនៃប្រទេសថៃបានសម្រេចផ្អាកការចុះស្រង់ទិន្នន័យពលករការផ្ដល់លិខិតឆ្លងដែនឬលិខិតធ្វើដំណើរដល់ពលករកម្ពុជាធ្វើការនៅបរទេសនិងប័ណ្ណពលករកម្ពុជាទៅធ្វើការនៅបរទេសចាប់ពីដើមខែមេសា នេះ ប៉ុន្តែដំណើរការផ្ដល់ជូនវិញនៅដើមខែសីហា។ យោងតាមសេចក្ដីជូនដំណឹងរបស់រដ្ឋមន្ត្រីក្រសួងការងារ លោក អុិត សំហេង កាលពីថ្ងៃពុធបានឲ្យដឹងថា គណៈកម្មការផ្ដល់ភាពស្របច្បាប់ដល់ពលករកម្ពុជា ដែលកំពុងស្នាក់នៅ និងធ្វើការនៅប្រទេសថៃ បានសម្រេចផ្អាកការចុះស្រង់ទិន្នន័យពលករខ្មែរ និងការបើកផ្ដល់លិខិតស្នាមពាក់ព័ន្ធមួយចំនួនទៀតដល់ពលករកម្ពុជា ដោយសារមានការស្នើសុំពីក្រសួងការងារថៃ។ លោករដ្ឋមន្ត្រី បានឲ្យដឹងតាមរយៈសេចក្ដីជូនដំណឹងនេះថា៖ «យោងតាមសំណើរបស់ក្រសួងការងារថៃ គណៈកម្មការបានផ្អាកការបើកផ្ដល់លិខិតឆ្លងដែន ឬលិខិតធ្វើដំណើរពលករកម្ពុជា ធ្វើការនៅបរទេស និងប័ណ្ណពលករកម្ពុជា ទៅធ្វើការនៅបរទេស ចាប់ពីថ្ងៃទី១ ខែមេសា ឆ្នាំ២០១៦ ដល់ថ្ងៃទី២៩ ខែកក្កដា ឆ្នាំ២០១៦ ដើម្បីទុកលទ្ធភាពឲ្យភាគីថៃ ធ្វើជំរឿន និងបន្តប័ណ្ណស៊ីជម្ពូឡើងវិញ»។ លោក អុិត សំហេង បានបញ្ជាក់ទៀតថា…
ភ្នំពេញ៖ (ខ្មែរថាមស៍)គណៈសង្ឃនាយកនៃព្រះរាជាណាចក្រកម្ពុជា កាលពីថ្ងៃទី២០ ខែមេសា ឆ្នាំ២០១៦ កន្លងទៅនេះ បានសម្រេចដកហូតតំណែងជាព្រះមេគណខេត្តកំពង់ស្ពឺ របស់ ព្រះសង្ឃមួយអង្គព្រះនាម ឌូ វណ្ណឌឿន ដោយបង្ខំឲ្យព្រះអង្គលាលែងពីតំណែងដោយខ្លួនឯងដោយសារតែព្រះសង្ឃអង្គនោះមានអាបត្តិប្រព្រឹត្តខុសធម៌វិន័យរបស់ព្រះពុទ្ធសាសនាតាមរយៈការឡើងច្រៀងរាំនៅលើឆាកតន្ត្រីដែលបានប្រារព្ធធ្វើឡើងនៅក្នុងវត្តរលាំងកំពូលស្ថិតនៅក្នុងឃុំព្រៃផ្ដៅស្រុកសំរោងទង ខេត្តកំពង់ស្ពឺ អំឡុងពេលចូលឆ្នាំថ្មីប្រពៃណីខ្មែរ កន្លងទៅថ្មីៗនេះ។ លោក សេង សុមុនី អ្នកនាំពាក្យក្រសួងធម្មការ និងសាសនា បានដឹងថា ការដកហូតតំណែងនេះ ត្រូវបានសម្រេចនិងធ្វើឡើងនៅក្នុងកិច្ចប្រជុំគណៈសង្ឃនាយក និងតំណាងមន្ត្រីក្រសួងធម្មការ និងសាសានា កាលពីយប់ថ្ងៃទី២០ ខែមេសា ឆ្នាំ២០១៦ នៅវត្តបទុមវតី ក្នុងរាជធានីភ្នំពេញ ក្រោមព្រះអធិបតីភាពរបស់សម្ដេច នន្ទ ង៉ែត ជានាយកនៃគណៈសង្ឃនាយកនៃព្រះរាជាណាចក្រកម្ពុជា…
ភ្នំពេញ៖(ខ្មែរថាមស៍)លោកម៉ក់ជីតូអគ្គស្នងការរងនគរបាលជាតិបានឲ្យដឹងថាបណ្ដាខេត្តមួយចំនួនបានធ្វើរបាយការណ៍កុហកទៅលីចំនួនអ្នកប្រើប្រាស់គ្រឿងញៀនខណៈអត្រានៃបទល្មើសគ្រឿងញៀន ហក់ឡើងខ្លាំងក្នុង៤ខែដើមឆ្នាំ២០១៦ នេះ ចំណែកជនឧក្រិដ្ឋជាអ្នកប្រើប្រាស់គ្រឿងញៀន ក៏កាន់តែកាចសាហាវឃោរឃៅ។ ក្នុងសន្និបាតផ្សព្វផ្សាយសភាពការណ៍ កិច្ចប្រតិបត្តិការប្រឆាំងបទល្មើសគ្រឿងញៀន កាលពីម្សិលមិញ លោកឧត្ដមសេនីយ៍ឯក ម៉ក់ ជីតូ អគ្គស្នងការរងទទួលផែនប្រឆាំងគ្រឿងញៀន បានថ្លែងថា កម្ពុជា ក៏ដូចជាបណ្ដាប្រទេសក្នុងអាស៊ាន បានរងបរាជ័យទៅលើការប្ដេជ្ញាលុបបំបាត់បទល្មើសគ្រឿងញៀន នៅឆ្នាំកំណត់២០១៥ ដោយហេតុថា វិធីសាស្ត្រក្នុងការចែកចាយ និងជួញដូរគ្រឿងញៀន កាន់តែមានភាពស្មុគស្មាញ ហើយកម្ពុជា នៅតែបន្តរងនូវឥទ្ធិពលនៃការផលិត និងការចរាចរគ្រឿងញៀនឆ្លងកាត់ ខណៈដែលស្ថិតិបច្ចុប្បន្នរបស់អាជ្ញាធរជាតិប្រយុទ្ធប្រឆាំងគ្រឿងញៀន បានបង្ហាញថា នៅកម្ពុជា មានអ្នកប្រើប្រាស់គ្រឿងញៀនជាង ១៦ម៉ឺននាក់។ លោកថា៖ «ដោយសារឥទ្ធិពលនៃការប្រើប្រាស់គ្រឿងញៀន ជនឧក្រិដ្ឋបទល្មើសព្រហ្មទណ្ឌមានចរិតសាហាវឃោរឃៅ ប្លន់សម្លាប់កណ្ដាលថ្ងៃ នៅទីប្រជុំជន បាញ់សម្លាប់…
ភ្នំពេញ៖(ខ្មែរថាមស៍)រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់បានអនុញ្ញាតិឲ្យសាងសង់ចំនួន៤៧គម្រោងក្នុងចំណោមគម្រោង៦៩ដែលបានដាក់សុំច្បាប់អនុញ្ញាតសាងសង់តាំងពីឆ្នាំ២០១៤-២០១៥កន្លងមកនិងកំណត់ឲ្យរាល់ក្រុមហ៊ុនបរទេសទាំងឡាយណាដែលបំពានច្បាប់ក្នុងការសាងសង់ ក្រសួងនឹងធ្វើលិខិតទៅក្រសួងការបរទេស និងសហប្រតិបត្តិការអន្តរជាតិ ដើម្បីស្នើសុំបញ្ជូនលិខិតកំណត់ទូតទៅស្ថានទូតសាមី ជាការព្រមានដល់ក្រុមហ៊ុននោះ។ លោកទេសរដ្ឋមន្ត្រីជាសុផារ៉ារដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់បានថ្លែងនៅក្នុងកិច្ចប្រជុំពិនិត្យសំណើសុំអនុញ្ញាតច្បាប់សាងសង់កាលពីថ្ងៃទី២០ខែមេសាថាលោកបានចុះហត្ថលេខាលិខិតអនុញ្ញាតសាងសង់ចំនួន៤៧ គម្រោង ក្នុងចំណោម គម្រោង ៦៩ ដែលបានដាក់សុំច្បាប់អនុញ្ញាតសាងសង់តាំងពីឆ្នាំ២០១៤-២០១៥ មក។ សម្រាប់គម្រោងចំនួន ២២ ទៀត ដែលនៅខ្វះឯកសារពាក់ព័ន្ធនានា នឹងរៀបចំបង្កើតគណៈកម្មការចុះត្រួតពិនិត្យការដ្ឋានសាងសង់ និងដើម្បីពិនិត្យឯកសារឲ្យបានត្រឹមត្រូវ និងគ្រប់ចំនួនតាមលក្ខខណ្ឌកំណត់។ លោកថា៖«រាល់ក្រុមហ៊ុនបរទេសទាំងឡាយណាដែលបំពានច្បាប់ក្នុងការសាងសង់ក្រសួងរៀបចំដែនដីនគរូបនីយកម្មនិងសំណង់នឹងធ្វើលិខិតទៅក្រសួងការបរទេសនិងសហប្រតិបត្តិការអន្តរជាតិដើម្បីស្នើសុំបញ្ជូនលិខិតកំណត់ទូតទៅស្ថានទូតសាមី ជាការព្រមានដល់ក្រុមហ៊ុននោះ»។ លោកបានថ្លែងបន្តទៀតថា ក្រសួង នឹងរៀបចំកំណត់មាត្រដ្ឋានកម្ពស់សម្រាប់សំណង់រោងចក្រ ដើម្បីឲ្យមានខ្យល់ចេញចូលគ្រប់គ្រាន់ និងគូសប្លង់ស្តង់ដារខ្លោងទ្វារចេញចូលខាងមុខដើម្បីបង្ការរាល់ ប្រធានសក្ដិផ្សេងៗ និងដើម្បីសម្រាប់រថយន្តធំចេញពីរោងចក្រមិនបង្កការកកស្ទះចរាចរណ៍នៅតាមដងផ្លូវ ពិសេសសម្រាប់កម្មករងាយស្រួលធ្វើដំណើរចេញពីរោងចក្រកាត់បន្ថយគ្រោះ ថ្នាក់ចរាចរណ៍។ រីឯសំណើ សុំលិខិតអនុញ្ញាតសាងសង់ផ្សារ ត្រូវរៀបចំគូសប្លង់ឲ្យមានលូទឹកបង្ហូរឲ្យបានត្រឹមត្រូវ ដើម្បីងាយស្រួលក្នុងការសម្អាតផ្សេងៗ។…
ភ្នំពេញ៖(ខ្មែរថាមស៍)ធនាគារជាតិនៃកម្ពុជា(NBC)នឹងដាក់ឲ្យដំណើរការជាបឋមនូវប្រព័ន្ធទូទាត់រាយភ្លាមៗ(FASTSystem)នៅសប្ដាហ៍នេះដើម្បីបើកប្រតិបត្តិការផ្ទេរប្រាក់បានមូលនិធិភ្លាមៗជាប្រាក់រៀលនៅទូទាំងធនាគារ និងស្ថាប័នមីក្រូហិរញ្ញវត្ថុទទួលប្រាក់បញ្ញើ ក្នុងគោលបំណងជំរុញការប្រើប្រាស់ប្រាក់រៀលឲ្យកាន់តែច្រើន។ យោងតាមសេចក្ដីប្រកាសពីធនាគារជាតិនៃកម្ពុជា (NBC) ប្រព័ន្ធទូទាត់រាយភ្លាមៗ ដែលមានល្បឿនលឿន និងមានសុវត្ថិភាពក្នុងការផ្ទេរប្រាក់ នឹងអនុញ្ញាតឲ្យដំណើរការនៃប្រព័ន្ធទូទាត់សម័យទំនើបក្នុងប្រទេសកម្ពុជា។ សេចក្ដីប្រកាសបានឲ្យដឹងថា៖«ការដាក់ឲ្យដំណើរការប្រព័ន្ធនេះនឹងរួមចំណែកជំរុញការប្រើប្រាស់ប្រាក់រៀលនិងការទូទាត់សងប្រាក់ជាអេឡិចត្រូនិកព្រមទាំងធ្វើឲ្យសកម្មភាពទូទាត់ទាំងក្នុងវិស័យឯកជន និងរដ្ឋាភិបាល កាន់តែមានប្រសិទ្ធភាពឆាប់រហ័ស និងមានសុវត្ថិភាព»។ប្រព័ន្ធនេះនឹងដាក់ឲ្យដំណើរការជាបឋម (Soft Launch) ចាប់ពីថ្ងៃទី២២ ខែមេសា ឆ្នាំ២០១៦ នេះតទៅ ។ សេចក្ដីប្រកាសបានបន្ថែមទៀតថា៖ «អតិថិជនអាចទទួលបានសាច់ប្រាក់ទាន់ពេលវេលានិងមានតម្លាភាពខ្ពស់ដែលធ្វើឲ្យអតិថិជនកាន់តែមានជំនឿទុកចិត្តលើសេវានិងប្រព័ន្ធធនាគារនៅក្នុងប្រទេសកម្ពុជា ព្រមទាំងលើកកម្ពស់ការធ្វើទំនើបកម្មប្រព័ន្ធទូទាត់នៅកម្ពុជា» ។ លោក ហួត អៀងតុង ប្រធានសមាគមមីក្រូហិរញ្ញវត្ថុកម្ពុជានិងជាអគ្គនាយកគ្រឹះស្ថានមីក្រូហិរញ្ញវត្ថុហត្ថាកសិករ បានប្រាប់កាសែតខ្មែរថាមស៏កាលពីថ្ងៃពុធថាប្រព័ន្ធនេះមានគោលបំណងយ៉ាងច្បាស់ដើម្បីបង្កើនការប្រើប្រាស់រូបិយប័ណ្ណក្នុងស្រុកនៅក្នុងសេដ្ឋកិច្ច។ លោកបាននិយាយថា ប្រព័ន្ធនេះនឹងធ្វើឲ្យអតិថិជនធ្វើប្រតិបត្តិការកាន់តែលឿន និងងាយស្រួលបន្ថែមទៀត។ លោក អៀងតុង បានឲ្យដឹងថា៖…
ភ្នំពេញ៖(ខ្មែរថាមស៍)ពលរដ្ឋ១៤គ្រួសារដែលតូបរបស់ពួកគាត់ត្រូវបានឈូសឆាយចោលកាលពីថ្ងៃទី៩ខែមេសាបានឡើងមកទីក្រុងភ្នំពេញដើម្បីដាក់ញត្តិនៅរដ្ឋសភានិងស្ថាប័នរដ្ឋាភិបាលផ្សេងទៀតរួមទាំងខុទ្ទកាល័យនាយករដ្ឋមន្ត្រីដើម្បីទាមទាររកយុត្តិធម៌ក្នុងការឈូសឆាយតូបរបស់ពួកគាត់ដោយមិនបានទទួលសំណងសមរម្យ។ តំណាងអាជីវករឆ្នេរអូរឈើទាលភឿកសុខខេនបាននិយាយថា៖«ពួកយើងមិនជំទាស់នឹងការអភិវឌ្ឍឆ្នេររបស់រដ្ឋាភិបាលទេប៉ុន្តែការអភិវឌ្ឍត្រូវអនុញ្ញាតឲ្យប្រជាពលរដ្ឋអាចរស់បានផង។ពួកយើងសំណូមពរឲ្យមានការរៀបចំស្តង់ដារហើយពួកយើងនឹងធ្វើតាម យើងនឹងព្យាយាមសម្អាតឆ្នេរឲ្យក្លាយជាឆ្នេរល្អបំផុតលើពិភពលោក»។ អ្នកស្រីបានបន្ថែមទៀតថា បើតំបន់នេះពាក់ព័ន្ធជាមួយក្រុមហ៊ុនណាមួយ សូមមេត្តារកកន្លែងណាដែលមិនពាក់ព័ន្ធជាមួយក្រុមហ៊ុនដែលយើងអាចប្រកបរបររកស៊ីបាន។ នៅក្នុងញត្តិរបស់ពួកគាត់ អាជីវករបានចោទសណ្ឋាគារសុខា ជាអ្នកនៅពីក្រោយខ្នងនៃការបណ្ដេញចេញនេះ ហើយទីបញ្ចប់ក្រុមហ៊ុននេះនឹងគ្រប់គ្រងតំបន់របស់ពួកគាត់។ បើតាមលិខិតពីទីស្ដីការគណៈរដ្ឋមន្ត្រីចុះថ្ងៃទី៣១ ខែមិនា បានបញ្ជាក់ពីគម្រោងអភិវឌ្ឍឆ្នេរក្រុងព្រះសីហនុ ដែលមានផ្លូវទំហំ៨ម៉ែត្រដែលអមដោយផ្លូវថ្មើរជើង៣មែត្រ។ ផ្លូវនេះនឹងអាចឲ្យអ្នកជិះកង់ និងអ្នកថ្មើរជើងឆ្លងកាត់បាន។ កាលពីដើមខែកុម្ភៈ រដ្ឋាភិបាល បានចេញលិខិតបញ្ជាឲ្យអាជីវករនៅឆ្នេរចំនួន៣ មានឆ្នេរអូរឈើទាល អូរត្រេស ដំណាក់ស្ដេច ឲ្យរើចេញឲ្យបានមុនថ្ងៃទី១៣ ខែមិនា ដែលអាជ្ញាធរថា ដើម្បីសោភណភាពឆ្នេរ។ ប៉ុន្តែមកទល់នេះមានតែឆ្នេរអូរឈើទាល ទេ ដែលត្រូវបានរុះរើ ដែលមានអ្នកខ្លះទទួលយកសំណងជាទឹកប្រាក់ ចំណែកអ្នកខ្លះទៀតនៅតែបន្តតវ៉ាដើម្បីរកដំណោះស្រាយល្អជាងនេះ។ លោក ចាន់សេងងួនអភិបាលរងខេត្តព្រះសីហនុបាននិយាយថាក្រុមហ៊ុនសុខានឹងតម្រូវឲ្យចំណាយទៅលើផ្លូវកៅស៊ូក៏ដូចជាទទួលខុសត្រូវលើការសាងសង់ផ្លូវនិងហេដ្ឋារចនាសម្ពន្ធពាក់ព័ន្ធ។លោកបានបន្ថែមទៀតថាសណ្ឋាគារសុខា នឹងទទួលខុសត្រូវលើការថែទាំឆ្នេរ។ លោកប៊ុនណារិទ្ធអ្នកសម្របសម្រួលសមាគមលីកាដូបានបង្ហាញការអស់សង្ឃឹមចំពោះលិខិតដែលចេញដោយទីស្ដីការគណៈរដ្ឋមន្ត្រីថា«ទោះបីជាផ្លូវនេះសម្រាប់សាធារណជនតែវាស្ថិតនៅក្រោមការគ្រប់គ្រងនិងត្រួតពិនិត្យដោយសណ្ឋាគារសុខា ដូច្នេះការឆ្លងកាត់ប្រាកដជាមានកំណត់»។…
ភ្នំពេញ៖(ខ្មែរថាមស៍)ម៉ាស៊ីនលក់ប័ណ្ណបើកបរនឹងត្រូវដំឡើងនៅផ្សារទំនើបAeonMallដើម្បីផ្ដល់សេវាកម្មឲ្យបានប្រសើរជាងមុនជូនចំពោះសាធារណជនទូទៅនិងងាយស្រួលជាងមុនក្នុងការទទួលបានឯកសារស្របច្បាប់។នេះបើយោងតាមគេហទំព័ររបស់ក្រសួងសាធារណការ និងដឹកជញ្ជូន។ យោងតាមការអះអាងរបស់ក្រសួង នៅលើគេហទំព័រ ការដំឡើងម៉ាស៊ីនលក់ប័ណ្ណបើកបរនេះ គឺជាការផ្ដល់សេវាកម្មឲ្យបានប្រសើរជាងមុន ជូនចំពោះសាធារណជនទូទៅ ដោយជួយសម្រួលឲ្យមានលក្ខណៈងាយស្រួលជាងមុន ក្នុងការទទួលបានឯកសារស្របច្បាប់។ «ឯកឧត្ដម ស៊ុន ចាន់ថុល បានប្រាប់លោកចៅហ្វាយក្រុងភ្នំពេញ លោក ប៉ា សុជាតិវង្ស ថា គោលដៅចម្បងគឺដោះស្រាយបញ្ហាដើម្បីបម្រើសេវាប្រកបដោយប្រសិទ្ធភាពជូនសាធារណជន ដោយផ្ដល់នូវប័ណ្ណបើកបរម៉ូតូ ការចុះបញ្ជីយានយន្ត និងសេវាជួសជុល។ ក្រសួង នឹងដាក់ម៉ាស៊ីនដើម្បីប្រើប្រាស់ និងពន្យារប័ណ្ណបើកបរតាមរយៈបច្ចេកវិទ្យាទំនើបនេះ»។ នេះបើតាមការសរសេរនៅលើគេហទំព័រ។ ផែង សូវិជីីន័រ អ្នកនាំពាក្យរបស់ក្រសួងសាធារណការ និងដឹកជញ្ជូន បានប្រាប់កាសែត ខ្មែរថាមស៍ ថា ផ្សារទំនើប Aeon…
ភ្នំពេញ៖(ខ្មែរថាមស៍)ថ្នាក់ដឹកនាំនិងមន្ត្រី៣រូបនៃសហព័ន្ធសហជីពចលនាកម្មករកម្ពុជាត្រូវបានមន្ត្រីក្រសួងការងារដាក់ពាក្យបណ្ដឹងទៅសាលាដំបូងចោទពីបទបរិហារកេរ្តិ៍ជាសាធារណៈប្រមាថអ្នករាជការសាធារណៈ និងបិទផ្លូវសាធារណៈ ហើយពួកគេត្រូវបានមន្ត្រីតុលាការកោះហៅដើម្បីសាកសួរនៅសប្ដាហ៍ក្រោយនេះ។ យោងតាមដីកាកោះរបស់លោក ស្រី ម៉ាកនី ព្រះរាជអាជ្ញារងនៃសាលាដំបូងរាជធានីភ្នំពេញ បានបង្គាប់ឲ្យមន្ត្រីសហជីព៣រូប និងប្រធានសហជីពនៃសហព័ន្ធសហជីពចលនាកម្មករកម្ពុជា ដែលជាជនសង្ស័យឲ្យចូលទៅបំភ្លឺនៅសាលាដំបូង នៅថ្ងៃទី២៦ និង២៧ ខែមេសា នេះទាក់ទងនឹងដំណើររឿងបណ្ដឹងរបស់លោក អ៊ុង ចាន់ណារិទ្ធ ជាប្រធានផ្នែកគតិយុត្តិនៃគណៈកម្មការសម្រាប់ដោះស្រាយបញ្ហាកូដកម្ម បាតុកម្មនៅគ្រប់មុខសញ្ញា (អ.គ.ក.ប.)ដែលបានប្ដឹងពីបទ បរិហារកេរ្តិ៍ជាសាធារណៈ ប្រមាថអ្នករាជការសាធារណៈ និងបិទផ្លូវសាធារណៈ។ លោកស្រី ម៉ាកនី បានឲ្យដឹងតាមរយៈដីកាកោះនេះថា៖ «សាមីខ្លួន ត្រូវអញ្ជើញតាមដីកាកោះនេះ មកឲ្យទាន់ពេលវេលា និងយកលិខិតផ្សេងៗដែលទាក់ទងនឹងរឿងខាងលើមកជាមួយផង»។ លោក អ៊ុង ចាន់ណារិទ្ធិ ប្រធានផ្នែកគតិយុត្តិនៃអ.គ.ក.ប. និងជាដើមបណ្ដឹងដែលបន្តឹងប្រធានសហជីព និងមន្ត្រី…
ភ្នំពេញ៖(ខ្មែរថាមស៍)តំបន់សេដ្ឋកិច្ចពិសេសភ្នំពេញ(PPSEZ)ដែលជាតំបន់សេដ្ឋកិច្ចពិសេសឈានមុខគេនៅក្នុងប្រទេសកម្ពុជាបានបើកលក់ជាផ្លូវការនូវការបោះផ្សាយលក់មូលបត្រជាលើកដំបូង(IPO)របស់ខ្លួនកាលពីម្សិលមិញហើយត្រៀមនឹងចុះបញ្ជីលក់ភាគហ៊ុននៅក្នុងផ្សារមូលបត្រកម្ពុជា អំឡុងពាក់កណ្ដាលឆ្នាំនេះ។ ព្រឹត្តិការណ៍នេះមានការចូលរួមយ៉ាងច្រើនកុះករពីសំណាក់វិនិយោគិន ក្រុមហ៊ុន វិស័យធនាគារ ស្ថានទូត និងវិនិយោគិននីតិបុគ្គលប្រមាណជាង១៥០នាក់។ លោក Fong Nee Wai ប្រធានផ្នែកហិរញ្ញវត្ថុរបស់ភ្នំពេញ អេស អ៊ីហ្សិត ភីអិលស៊ី បានឲ្យដឹងថា ភ្នំពេញ អេស អ៊ីហ្សិត (SEZ) និងបោះលក់មូលបត្រជាសាធារណៈប្រមាណ ១១.៦លានភាគហ៊ុន ដែលស្នើនឹង២០ភាគរយនៃការបោះផ្សាយមូលបត្ររបស់ក្រុមហ៊ុននៅក្នុងផ្សារមូលប័ត្រកម្ពុជា ដោយគោលបំណងដើម្បីបង្កើនចំណូលឲ្យបាន១៥លានដុល្លារអាមេរិក ក្នុងគោលដៅយកទៅប្រើប្រាស់ក្នុងការសាងសង់តំបន់សេដ្ឋកិច្ចពិសេសថ្មីនៅទីក្រុង ប៉ោយប៉ែត ខេត្តបន្ទាយមានជ័យ ដែលជាប់នឹងព្រំប្រទល់ប្រទេសថៃ។ លោកបានឲ្យដឹងទៀតថា ប៊ុកបៀលឌីងមានរយៈពេល៥ថ្ងៃគឺចាប់ពីថ្ងៃទី១៨ ដល់២២ ខែមេសា ស្របពេលដែលវាជាផ្នែកមួយនៃយុទ្ធសាស្ត្ររបស់ក្រុមហ៊ុនដើម្បីទាក់ទាញវិនិយោគិនគ្រប់ផ្នែកមកកាន់ទីផ្សារនេះ។ លោកថា…
ភ្នំពេញ៖(ខ្មែរថាមស៍)បើទោះបីជាមិនមានចម្លើយសារភាពដោយផ្ទាល់និងជាសាធារណៈពីជនសង្ស័យអយ្យការអមសាលាដំបូងរាជធានីភ្នំពេញ ក៏បានទម្លាយនូវលទ្ធផលសាកសួរថា កញ្ញា ខុម ចាន់តារ៉ាទី ហៅស្រីមុំ មិនត្រឹមតែបានទទួលស្គាល់ខ្សែអាត់សំឡេង និងទំនាក់ទំនងស្នេហាលួចលាក់ជាមួយលោកកឹមសុខានោះទេថែមទាំងអះអាងដែរថា ការបដិសេធសំឡេងនេះកន្លងមកគឺដោយសារតែការណែនាំពីលោកកឹមសុខា។ដូច្នេះតើលោកកឹមសុខាអាចប្រឈមទោសផ្លូវច្បាប់ ក្នុងករណីអាស្រូវស្នេហា? បើទោះបីជារឿងរ៉ាវនេះ ត្រូវបានមជ្ឈដ្ឋានជាច្រើនចាត់ទុកថា ជារឿងបុគ្គលឯកជនក្ដី តែទឡ្ហីករណ៍នេះ អ្នកតាមដានសង្គម និងអ្នកវិភាគនយោបាយ យល់ឃើញថា នេះជាល្បិចនយោបាយរបស់បក្សកាន់អំណាច ដែលអាចធ្វើឲ្យលោក កឹម សុខា ថ្នាក់ដឹកនាំបក្សប្រឆាំង ប្រឈមមុខនឹងការដកអភ័យឯកសិទ្ធិ ហើយរងទោសទណ្ឌផ្លូវច្បាប់ ប្រសិនបើជនសង្ស័យ កញ្ញា ស្រីមុំ ក្លាយខ្លួនជាដើមបណ្ដឹងវិញ ប៉ុន្តែថានេះជា ល្បែងនយោបាយចាស់គំរឹល នឹងធ្វើឲ្យបក្សកាន់អំណាចកាន់តែធ្លាប់ប្រជាប្រិយភាព។ ខ្សែអាត់សំឡេងសន្ទនាស្នេហាលួចលាក់ ដែលសង្ស័យជាកញ្ញា ខុម ចាន់តារ៉ាទី…
ភ្នំពេញ៖(ខ្មែរថាមស៍)គណៈកម្មការជាតិបង្ក្រាបនិងទប់ស្កាត់បទល្មើសព្រៃឈើបានបញ្ជូនរបាយការណ៍របស់ខ្លួនជូនទៅលោកនាយករដ្ឋមន្ត្រីហ៊ុនសែនបន្ទាប់បានចុះត្រួតពិនិត្យនៅតាមក្រុមហ៊ុននិងទីតាំងស្តុកឈើដោយបានរកឈើខុសច្បាប់ជាង ៧ម៉ឺនម៉ែត្រគុប និងប្ដឹងឈ្មួញរកស៊ីចំនួន ៥៧ករណីទៅតុលាការ។ លោក អេង ហ៊ី អ្នកនាំពាក្យគណៈកម្មការជាតិបង្ក្រាបនិងទប់ស្កាត់បទល្មើសព្រៃឈើបានថ្លែងឲ្យដឹងថា គណៈកម្មការរបស់លោកបានដាក់របាយការណ៍ជូន លោក ហ៊ុន សែន ពិនិត្យរបាយការណ៍ហើយ ប៉ុន្តែនៅពេលនេះលោកមិនទាន់អាចបញ្ជាក់លម្អិតអំពីរបាយការណ៍នេះនៅឡើយទេ ដោយគ្រាន់តែបញ្ជាក់ថា នៅក្នុងរបាយការណ៍នោះបានបញ្ជាក់ថា មានឈើខុសច្បាប់គ្រប់ប្រភេទ ជាង៧ម៉ឺនម៉ែត្រគុប។ លោកថា៖ «យើងបានធ្វើរបាយការណ៍ហើយ បណ្ដាខេត្តបានផ្ញើមកហើយ យើងផ្ញើទៅរដ្ឋាភិបាល។ ពេលនេះអត់ទាន់ដឹងទេ រង់ចាំសម្ដេចគាត់មានមតិយ៉ាងម៉េច។ បើសិនជាសម្ដេចសម្រេចថា ឲ្យសម្រាកគឺយើងសម្រាក»។ លោកបានថ្លែងឲ្យដឹងបន្តទៀតថា នៅក្នុងនោះគណៈកម្មការបានប្ដឹងក្រុមហ៊ុន និងឈ្មួញរកស៊ីឈើខុសច្បាប់ទៅតុលាការចំនួន ៥៧ករណី ហើយនៅក្នុងនោះគឺចំណាត់ការរបស់អយ្យការកំពុងចាត់ការបន្ត ដោយបានកោះហៅចំនួន៣១ ដីការួចមកហើយ។ លោកបានឲ្យដឹងទៀតថា…
ដើម្បីចូលរួមលើកកម្ពស់សិទ្ធលំនៅដ្ឋានរបស់ប្រជាពលរដ្ឋយុវជនប្រមាណជាង២ពាន់នាក់គ្រោងចូលរួមជុសជុលលំនៅដ្ឋានដល់ប្រជាពលរដ្ឋក្រីក្រនៅក្នុងសហគមន៍ត្រពាំងអញ្ចាញ ក្នុងក្រុងភ្នំពេញ។ .
ខេត្តព្រះសីហនុ៖ តន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ (Anchor)២០១៦បានមកដល់មណ្ឌលខេត្តព្រះសីហនុដែលជាមណ្ឌលចុងក្រោយបានប្រារព្ធធ្វើឡើងក្នុងឱកាសចូលឆ្នាំខ្មែរកាលពីថ្ងៃទី១៣-១៤ខែមេសាឆ្នាំ២០១៦នៅឆ្នេរសមុទ្រអូរឈើទាល។ នេះគឺជាខេត្តចុងក្រោយហើយដែលស្រាបៀរអាន់ឆ័របានរៀបចំកម្មវិធីតន្ត្រីបាល់ទះឆ្នេរខ្សាច់។កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រនៅមណ្ឌលខេត្តបាត់ដំបងខេត្តសៀមរាបនិងខេត្តកំពង់ចាមបានបញ្ចប់យ៉ាងជោគជ័យគួរឲ្យកត់សម្គាល់កាលពីសប្ដាហ៍កន្លងទៅ ដោយមានការចូលរួមយ៉ាងច្រើនកុះករពីក្រុមបាល់ទះជាច្រើនក្រុម និងភ្ញៀវជាតិ ភ្ញៀវអន្តរជាតិ ដែលបានចូលទស្សនាកម្មវិធីនេះ។ ចំពោះមណ្ឌលខេត្តព្រះសីហនុ ក្នុងឱកាសបុណ្យចូលឆ្នាំខ្មែរ នេះវិញ កម្មវិធីពិសេសរបស់ស្រាបៀរអាន់ឆ័រ បានទាក់ទាញភ្ញៀវទេសចរក្នុងស្រុក និងក្រៅស្រុកកាន់តែច្រើនកុះករចូលទស្សនាការប្រកួតវគ្គជម្រុះបាល់ទះឆ្នេរខ្សាច់ និងចូលរួមកម្មវិធីជាច្រើនដែលបានរៀបចំឡើងយ៉ាងពិសេសដោយស្រាបៀរ អាន់ឆ័រ ដូចជាលេងល្បែងកម្សាន្តដើម្បីឈ្នះ រង្វាន់ ជាវសម្ភារៈកីឡាក្នុងតម្លៃពិសេស ថតរូបទុកអនុស្សាវរីយ៍ និងមានកម្មវិធីកម្សាន្តច្រើនបែបទៀត។ នៅពេលល្ងាច ពួកគេបានរីករាយជាវស្រាបៀរអាន់ឆ័រ ដោយមានការបញ្ចុះតម្លៃ រួមទាំងការប្រគំតន្ត្រីដែលចូលរួមពីសំណាក់តារាចម្រៀងល្បីៗប្រចាំព្រះរាជាណាចក្រកម្ពុជា បានធ្វើឲ្យកក្រើកនៅខេត្តព្រះសីហនុ ពីររាត្រីជាប់គ្នាជាមួយវត្តមាន ខេមរះសិរីមន្ត អីុវ៉ា សួសវីសា ហេងវិទូ ហ្សូណូ កែវវាសនា ឆាយវីរៈយុទ្ធ និងតារាចម្រៀងកំពុងពេញនិយមជាច្រើនរូបទៀតបានធ្វើឲ្យកក្រើកដល់ក្រុងព្រះសីហនុ។…
ស្ទឹងត្រែង៖(ខ្មែរថាមស៍)មន្ត្រីខេត្តស្ទឹងត្រែងបានឲ្យដឹងថាផ្សារថ្មីស្ទឹងត្រែង ក្នុងក្រុងស្ទឹងត្រែងដែលបានឆេះខ្ទេចទាំងស្រុងកាលពីយប់ថ្ងៃទី៧ខែមេសាកន្លងទៅនោះត្រូវបានចាប់ផ្ដើមដំណើរការសាងសង់ជាថ្មីឡើងវិញហើយកាលពីថ្ងៃម្សិលមិញនេះ ហើយមូលហេតុនៃការឆេះផ្សារនេះគឺផ្ដើមពីតូបរបស់ជាងទងម្នាក់ដែលត្រូវបានចាប់ និងឃុំខ្លួនរួមនឹងអ្នកពាក់ព័ន្ធចំនួន៤នាក់ផ្សេងទៀត ក្រោមបទចោទធ្វេសប្រហែស។ លោក ឈូក កុម៉ល់ អធិការកប៉ូលិសក្រុងស្ទឹងត្រែង បានប្រាប់កាសែត ខ្មែរថាមស៍ កាលពីថ្ងៃអង្គារ ម្សិលមិញថា ផ្សារថ្មីស្ទឹងត្រែង ដែលមានតូបជាង១២០០តូបត្រូវបានអគ្គិភ័យឆេះអស់ទាំងស្រុងនោះ ត្រូវបានចាប់ផ្ដើមសាងសង់ហើយដោយមានការឈូសឆាយ និងបុកគ្រឹះសំណង់ផ្សារនេះ ប៉ុន្តែលោកមិនដឹងថា តើការសាងសង់នឹងបញ្ចប់នៅពេលណានោះឡើយ។ លោកបានថ្លែងថា៖ «ការសាងសង់បានចាប់ផ្ដើមដំណើរការហើយ ដោយនៅព្រឹកនេះកម្លាំងវិស្វកម្មនៃក្រសួងការពារជាតិ និងក្រុមការងារពាក់ព័ន្ធបានចាប់ផ្ដើមឈូសឆាយដី និងបុកគ្រឹះសំណង់ផ្សារផងដែរ ប៉ុន្តែខ្ញុំមិនហ៊ានសន្និដ្ឋានថា តើការសាងសង់ផ្សារថ្មីនេះនឹងចំណាយពេលប៉ុន្មានខែនោះឡើយ»។ លោក កុម៉ល់ បានបន្តទៀតថា អាជីវករដែលតូបរបស់ពួកគាត់ត្រូវបានឆេះទាំងស្រុងនោះ ត្រូវបានអាជ្ញាធរអនុញ្ញាតឲ្យលក់ដូរនៅលើផ្លូវតាមសួនចំនួន៤ក្នុងក្រុងស្ទឹងត្រែងជាបណ្ដោះអាសន្នរហូតដល់ផ្សារថ្មីត្រូវបានសាងសង់រួច។ បន្ទាប់ពីផ្សារថ្មីស្ទឹងត្រែង បានឆេះខ្ទេច ដោយបានបំផ្លាញតូប និងហាងអស់១២២០តូច…
ភ្នំពេញ៖(ខ្មែរថាមស៍)ក្រសួងទេសចរណ៍និងសាលាក្រុងភ្នំពេញបានស្វាគមន៍ចំពោះគម្រោងវិនិយោគរបស់ក្រុមហ៊ុនបារាំងបង្កើតរោងចក្រអគ្គិសនីដំណើរការដោយយកកាកសំណល់សំរាមដុតផលិតជាអគ្គិសនីនៅក្រុងភ្នំពេញដែលគម្រោងនេះនឹងរួមចំណែកជាមួយក្រសួងទេសចរណ៍ជំរុញឲ្យទីក្រុងស្អាត។ លោក ថោង ខុន រដ្ឋមន្ត្រីក្រសួងទេសចរណ៍ បានថ្លែងកាលពីម្សិលមិញថា ក្រុមហ៊ុនបារាំង Groupe Quadran បានស្នើមកក្រសួងសុំការគាំទ្រលើការវិនិយោគរបស់ក្រុមហ៊ុនក្នុងការបង្កើតរោងចក្រអគ្គិសនីដើរដោយដុតកាកសំណល់សំរាម និងគម្រោងសាងសង់ស្ថានីយអគ្គិសនីសូឡានៅខេត្តសៀមរាប។ លោកថា រោងចក្រអគ្គិសនីដើរដោយការដុតកាកសំណល់នៅក្រុងភ្នំពេញ មានអនុភាពផលិតអគ្គិសនីប្រមាណ ៥០ មេហ្គាវ៉ាត់ ចំណែកស្ថានីយសូឡា នៅខេត្តសៀមរាប មានអនុភាពផលិតអគ្គិសនី ៣០ មេហ្គាវ៉ាត់។ តែយ៉ាងណាលោករដ្ឋមន្ត្រី មិនបានបញ្ជាក់ឲ្យដឹងពីទំហំវិនិយោគ និងរយៈពេលចាប់ផ្ដើមសាងសង់នៃគម្រោងទាំងពីរនេះទេ។ លោកថា៖ «មកដល់ពេលនេះគេគ្រាន់តែដាក់ស្នើមកយើង ប៉ុន្តែមិនបានបញ្ជាក់ពីទំហំប៉ុន្មាននៅឡើយទេ។ វាជាគម្រោងជួយធ្វើឲ្យបរិស្ថានស្អាតក្នុងទីក្រុង ខ្ញុំគាំទ្រទាំងស្រុង ហើយខ្ញុំបានស្នើទៅសាលាក្រុង និងភាគីពាក់ព័ន្ធធ្វើយ៉ាងណាឲ្យគម្រោងនេះទទួលបានជោគជ័យ»។ លោក មាន ច័ន្ធយ៉ាដា នាយករដ្ឋបាលសាលាក្រុងភ្នំពេញ…
ភ្នំពេញ៖(ខ្មែរថាមស៍)លោកនាយករដ្ឋមន្ត្រីហ៊ុនសែនបានស្នើដល់ថ្នាក់ដឹកនាំចិនដើម្បីជំរុញវិនិយោគិនបន្ថែមទៀតមកវិនិយោគនៅកម្ពុជាខណៈលោកបានដាក់សម្ពោធឲ្យដំណើរការរោងចក្រផលិតស្ករសធំបំផុតនៅអាស៊ីដែលវិនិយោគដោយក្រុមហ៊ុនចិនចំណាយទឹកប្រាក់ប្រមាណជាង ៣៦០ លានដុល្លារអាមេរិក នៅខេត្តព្រះវិហារ។ លោកនាយករដ្ឋមន្ត្រីមានប្រសាសន៍នៅក្នុងពិធីសម្ពោធដាក់ឲ្យដំណើរការរោងចក្រចម្រាញ់ស្ករស Rui Feng (Cambodia) International Co.Ltd ថា វាជាការវិនិយោគដ៏ធំដែលវាមិនត្រឹមតែផលិតនូវស្ករសប្រមាណកន្លះលានតោនប៉ុណ្ណោះទេ ប៉ុន្តែវាក៏បានផលិតនូវថាមពលអគ្គិសនីប្រមាណជាង ៣០ មេហ្គាវ៉ាត់ផងដែរ ចេញពីកាកសំណល់រោងចក្រដើម្បីផ្គត់ផ្គង់អគ្គិសនីនៅក្នុងតំបន់ និងខេត្ត។ លោកបានឲ្យដឹងថា បើសិនជារោងចក្រអាចផលិតថាមពលអគ្គិសនីបានជាង ៣០ មេហ្គាវ៉ាត់ ដូច្នេះវាអាចបម្រើដល់តម្រូវការប្រជាជននៅក្នុងខេត្តនេះបានដោយមិនពឹងផ្អែកលើថាមពលអគ្គិសនីពីភ្នំពេញ។ លោកនាយករដ្ឋមន្ត្រីបន្តទៀតថា រោងចក្រនេះមិនត្រឹមតែផលិតស្ករសមួយមុខប៉ុណ្ណោះទេ ប៉ុន្តែវាក៏អាចផលិតបានអេតាណុលផងដែរដើម្បីបម្រើដល់ការនាំចេញទៅកាន់បរទេស។ លោកនាយករដ្ឋមន្ត្រីថ្លែងថា៖ «ខ្ញុំសុំឆ្លៀតឱកាសនេះដើម្បីថ្លែងអំណរគុណដល់ក្រុមហ៊ុនចិន ដែលជ្រើសរើសកម្ពុជា ជាទិសដៅវិនិយោគដែលមានទឹកប្រាក់រហូតដល់ជាង ៣៦០ លានដុល្លារអាមេរិក ដែលវាឆ្លុះបញ្ចាំងពីកិច្ចខិតខំប្រឹងប្រែងរបស់យើងក្នុងការរក្សាបាននូវសន្តិភាព ស្ថិរភាពនយោបាយព្រមជាមួយនឹងការដឹកនាំដ៏ត្រឹមត្រូវ។ ការវិនិយោគលើកសិកម្មបានផលក្នុងកន្លែងខ្លះនិងមិនបានផលក្នុងកន្លែងខ្លះហើយកសិឧស្សាហកម្មកសិកម្មជាមួយប្រជាពលរដ្ឋគឺល្អប៉ុន្តែដំបូងប្រជាជនក្នុងតំបន់ត្រូវតែមានហេដ្ឋារចនាសម្ព័ន្ធល្អក្រៅតែពីលក់អំពៅឲ្យក្រុមហ៊ុន»។ លោកនាយករដ្ឋមន្ត្រីថ្លែងថា…
ភ្នំពេញ៖(ខ្មែរថាមស៍)អគ្គស្នងការនគរបាលជាតិបានចាត់វិធានការណ៍ក្ដៅដោយព្រមានដកតួនាទីចំពោះមន្ត្រីនគរបាលចរាចរណ៍ណាដែលនៅតែបន្តគំរាមទារប្រាក់ពិន័យក្រៅសេវាដោយគ្មានវិក្កយបត្រទៅលើប្រជាពលរដ្ឋដោយលោកបានចាត់ទុកថា ជាសកម្មភាពខុសពីតួនាទីនិងបទបញ្ជារបស់អង្គភាព ដែលមានចែងនៅក្នុងក្រមវិន័យច្បាប់។ លោកនាយឧត្ដមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានី បានថ្លែងឲ្យដឹង នៅព្រឹកថ្ងៃទី១៨ ខែមេសា ឆ្នាំ២០១៦ ថា វិន័យរបស់នគរបាលជាតិបានអនុវត្តរួចហើយ ដោយកន្លងមកនេះមន្ត្រីនគរបាលចរាចរណ៍ដែលអសកម្ម ប្រព្រឹត្តិបទល្មើសនៅក្នុងសកម្មភាពយកតួនាទី និងអំណាចរបស់ខ្លួនទៅអនុវត្តន៍ខុសឆ្គង ទៅគាប់សង្កត់រកផលប្រយោជន៍ពីប្រជាពលរដ្ឋ។ លោកបានថ្លែងថា៖ «កន្លងមកនេះគឺយើងបានធ្វើហើយ គឺយើងបានដកមកត្រួតពិនិត្យនៅការិយាល័យរបស់យើង យើងមានការស្នើសុំទៅអគ្គស្នងការនគរបាលជាតិ ដើម្បីបន្ថយសក្ដិ រហូតដល់យើងមានស្នើសុំបណ្ដេញចេញពីក្របខ័ណ្ឌកន្លងមកនេះ។ នេះចំពោះមន្ត្រីដែលអសកម្មដែលយើងព្រមានហើយ ហើយមិនធ្វើការកែប្រែ»។ លោកបានថ្លែងថា វិន័យដំបូងចំពោះអ្នកខុសឆ្គងគឺហៅមកអប់រំ ដកយកមកបញ្ឈរជើងនៅការិយាល័យបុគ្គលិក បន្ទាប់ពីអប់រំឲ្យយល់អំពីច្បាប់ យល់អំពីគោលការណ៍ និងលក្ខខណ្ឌរបស់នគរបាលជាតិ បន្ទាប់ពីគាត់កែប្រែឲ្យត្រឡប់ទៅវិញ។ លោកថា៖ «បើនៅតែមិនកែប្រែ…
ភ្នំពេញ៖(ខ្មែរថាមស៍)លោកសៀងសុខព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញបានឲ្យដឹងថាអំឡុងដំណើរការសាកសួរកញ្ញាខុមចាន់តារ៉ាទីហៅស្រីមុំបានសារភាពទទួលស្គាល់នូវខ្សែអាត់សំឡេងសាសងស្នេហាជាមួយលោក កឹម សុខា ថា ជាការពិត ខណៈដែលតុលាការ ក៏បានសម្រេចពិនិត្យចាត់វិធានការបន្តទៅលើសំណុំរឿងនេះ ហើយអាចឈានដល់ការកោះហៅលោក កឹម សុខា មកបំភ្លឺផងដែរ។ កញ្ញា ស្រីមុំ ដែលរងសង្ស័យថា លួចលាក់មានស្នេហាជាមួយលោក កឹម សុខា ប្រធានស្តីទីគណបក្សសង្គ្រោះជាតិ ត្រូវបានតុលាការកោះហៅចូលបំភ្លឺកាលពីម្សិលមិញ សួរនាំពីដំណើររឿង ពាក់ព័ន្ធនឹងរបាយការណ៍របស់សមត្ថកិច្ចនៃនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន ដែលបានបង្ហាញថា មានករណីផ្ដល់សក្ខីកម្មក្លែង និងមានអំពើពេស្យាចារ។ ក្រោយការសួរនាំអស់ពេញមួយព្រឹក លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានប្រាប់ខ្មែរថាមស៍ ថា កញ្ញា ស្រីមុំ ជាជនសង្ស័យនៃសក្ខីកម្មក្លែង…
ភ្នំពេញ៖(ខ្មែរថាមស៍)បុរសអាយុ៤២ឆ្នាំដែលប្រសូតចេញពីគ្រួសារក្រីក្រក្នុងខេត្តតាកែវដែលជាអ្នកនិយាយជាសាធារណៈមិនសំចៃមាត់អំពីការកាប់បំផ្លាញព្រៃឈើដោយឧកញ៉ាមន្ត្រីមានអំណាចកងកម្លាំងប្រដាប់អាវុធបណ្ដាញរកស៊ីឈើយុទ្ធសាស្ត្រការដឹកជញ្ជូនឈើ ការស្តុកទុកឈើ ការឃុបឃិតជួយសម្រួលមធ្យោបាយ ពុករលួយក្នុងការបង្ក្រាបបទល្មើសព្រៃឈើ ការមិនអនុវត្តន៍ច្បាប់ និងភាពបរាជ័យរបស់រដ្ឋាភិបាលក្នុងការការពារព្រៃឈើ ក៏ដូចជានយោបាយបំផ្លាញឈើឲ្យអស់ពីកម្ពុជា គឺលោក អ៊ូច ឡេង ប្រធានក្រុមការងារនៃក្រុមកិច្ចការពិសេសសិទ្ធិមនុស្សកម្ពុជាត្រូវបានជ្រើសរើសជាម្ចាស់ពានរង្វាន់វីរបុរសការពារបរិស្ថានពិភពលោកឆ្នាំ២០១៦(The Goldman Environmental Prize)ដែលប្រគល់ដោយមូលនិធិពានរង្វាន់មាស នៅទីក្រុងសាន់ហ្វ្រាន់ស៊ីស្កូ (San Francisco) រដ្ឋកាលីហ្វញ៉ា (California) សហរដ្ឋអាមេរិក។ លើសពីក្ដីស្រមៃហើយមិនគួរឲ្យជឿនៅក្នុងប្រវត្តិសាស្ត្រក្នុងពិភពលោកដែលក្នុងនាមជាកូនខ្មែរមួយរូបតំណាងឲ្យជនរួមជាតិខ្មែររាប់លាននាក់ត្រូវបានពិភពលោកជ្រើសរើស ជាវីរបុរសការពារព្រៃឈើ និងបរិស្ថានដ៏ឆ្នើមម្នាក់ ក្នុងចំណោមម្ចាស់ពានរង្វាន់៦នាក់ តំណាងឲ្យមនុស្សទូទាំងពិភពលោកចំនួន១៨៦ ម្ចាស់ពានរង្វាន់វីរបុរសមាស រួមមាន សហរដ្ឋអាមេរិក ប្រទេសតង់ហ្សានី ប្រទេសស្លូវ៉ាគី ប្រទេសប៉េរូ និងប្រទេសព័រតូរីកូ។ លោក អ៊ូច ឡេង…
មណ្ឌលគីរី៖(ខ្មែរថាមស៍)យ៉ាងហោចកុមារីបីនាក់បងប្អូនបានរងរបួសធ្ងន់-ស្រាល និងផ្ទះជិត១០០ខ្នងបានរងការប៉ះទង្គិចពីអំណាចខ្យល់កន្ត្រាក់ក្នុងឃុំមួយចំនួនក្នុងខេត្តពីរ គឺខេត្តមណ្ឌលគិរី និងខេត្តបន្ទាយមានជ័យ កាលពីរសៀលថ្ងៃអាទិត្យ ចុងសប្ដាហ៍មកនេះ ខណៈដែលក្រសួងធនធានទឹក និងឧតុនិយម បានចេញសេចក្ដីប្រកាសឲ្យប្រជាពលរដ្ឋក្នុងខេត្តចំនួន៩ត្រូវប្រុងប្រយ័ត្នចំពោះខ្យល់កន្ត្រាក់ និងរន្ទះ ដែលអាចកើតមានក្នុងសប្ដាហ៍នេះ។ មន្ត្រីនគរបាលស្រុកពេជ្រាដា ខេត្តមណ្ឌលគិរី បានប្រាប់ខ្មែរថាមស៍ ដោយសុំលាក់ឈ្មោះកាលពីថ្ងៃច័ន្ទ ម្សិលមិញនេះថា ខ្យល់កន្ត្រាក់ដោយមានលាយឡំនឹងភ្លៀងកាលពីម៉ោង៣ និង១៥នាទីរសៀលថ្ងៃអាទិត្យ បានធ្វើឲ្យផ្ទះប្រជាពលរដ្ឋជិត៥០ខ្នងផ្ទះបានរលំ និងរបើកដំបូល-ជញ្ជាំង។ លោកបានបន្តថា៖ «ក្នុងហេតុការណ៍គ្រោះធម្មជាតិនេះ ក៏បានបណ្ដាលឲ្យក្មេងស្រី៣នាក់ដែលជាបងប្អូនបង្កើតនឹងគ្នារងរបួសធ្ងន់-ស្រាលដោយសារផ្ទះរបស់ពួកគេដួលសង្កត់លើ ខណៈដែលពួកគេបានកំពុងជ្រកភ្លៀងក្នុងផ្ទះ ហើយម្ដាយបានចេញទៅធ្វើការ»។ មន្ត្រីអធិការស្រុកពេជ្រាដា បានបន្តទៀតថា សមត្ថកិច្ច និងប្រជាពលរដ្ឋបានបញ្ជូនកុមារីរងគ្រោះទាំងបីនាក់ទៅព្យាបាលនៅមន្ទីរពេទ្យបង្អែកខេត្ត ដោយមានម្នាក់រងគ្រោះថ្នាក់រហូតបាក់ជើងស្ដាំ និងពីរនាក់ទៀតរងរបួសត្រង់ក្បាល។ លោកបានបញ្ជាក់ថា ខ្យល់កន្ត្រាក់បានធ្វើឲ្យផ្ទះចំនួន ៥៩ ខ្នងក្នុងឃុំចំនួនពីរ…
ស្ទឹងត្រែង៖(ខ្មែរថាមស៍)ភាគីកម្ពុជាបានបិទផ្លូវមិនឲ្យយោធាឡាវឆ្លងកាត់ដើម្បីដឹកជញ្ជូនសម្ភារៈសាងសង់ប៉ុស្តិ៍យាមថ្មីបន្ទាប់ពីយោធាឡាវបានចាប់ផ្ដើមសាងសង់ប៉ុស្តិ៍យាមថ្មីរបស់ខ្លួននៅក្នុងតំបន់មិនទាន់បោះបង្គោលព្រំដែនដែលមានប្រវែងប្រហែល២០ម៉ែត្រពីផ្លូវរបស់កម្ពុជា ស្ថិតនៅក្នុងខេត្តស្ទឹងត្រែង។ លោក ឯក សាវណ្ណដន ស្នងការរងនគរបាលខេត្ត ដែលទទួលបន្ទុកកិច្ចការព្រំដែនប្រចាំខេត្តស្ទឹងត្រែង បានថ្លែងឲ្យដឹងថា ខាងភាគីឡាវ មិនមានផ្លូវសម្រាប់ដឹកជញ្ជូនសម្ភារៈសាងសង់ មានដូចជាខ្សាច់ ស៊ីម៉ងត៍ និងថ្ម ដើម្បីសាងសង់ប៉ុស្តិ៍យាមថ្មីទេ ហើយពេលកន្លងមកនេះ ខាងភាគីឡាវ បានពឹងផ្អែកតែផ្លូវជាតិលេខ៧ របស់កម្ពុជា តែប៉ុណ្ណោះសម្រាប់ដឹកជញ្ជូនសម្ភារៈផ្សេងៗ។ ប៉ុន្តែនាពេលថ្មីៗនេះ ខាងភាគីកម្ពុជា បានបិទផ្លូវនេះបណ្ដោះអាសន្នសិន ក្រោយពីមានបញ្ហាជាមួយគ្នាមក។ លោកមានប្រសាសន៍បន្ថែមថា៖«យោធាឡាវគ្រាន់តែបានជីកដីសម្រាប់សាងសង់ប៉ុស្តិ៍យោធាថ្មីតែប៉ុណ្ណោះនៅតំបន់មិនទាន់កំណត់បង្គោលព្រំដែនផ្លូវការរវាងប្រទេសទាំងពីរ។ ទោះបីជាទីតាំងនោះជារបស់ឡាវ ក៏ដោយ ក៏យើងតវ៉ាមិនឲ្យសាងសង់ដែរ ពីព្រោះទីតាំងនោះមិនទាន់នៅបោះបង្គោលព្រំដែនផ្លូវការរវាងប្រទេសទាំងពីរនៅឡើយទេ»។ កន្លងមកភាគីទាំងពីរបានព្រមព្រៀងគ្នារក្សាប៉ុស្តិ៍យាមព្រំដែនដែលមានស្រាប់និងហាមដាច់ខាតចំពោះការសាងសង់ប៉ុស្តិ៍យាមថ្មីនៅក្នុងតំបន់ព្រំដែនដែលមិនទាន់បោះបង្គោលព្រំដែន។ លោកថា៖ «ឥឡូវនេះ ភាគីទាំងពីរកំពុងតែរង់ចាំសេចក្ដីសម្រេចរបស់ថ្នាក់ដឹកនាំទាំងពីរដើម្បីដោះស្រាយបញ្ហានេះ»។ លោក ឈុំ សុជាតិ…
មណ្ឌលគីរី៖(ខ្មែរថាមស៍)ចំនួនភ្ញៀវទេសចរដែលបានទៅលេងកម្សាន្តនៅតាមខេត្តតំបន់ឆ្នេរ និងខេត្តភាគឦសានប្រទេសកម្ពុជា ក្នុងអំឡុងបុណ្យចូលឆ្នាំប្រពៃណីខ្មែរ បានកើនឡើង ដោយសារតែមានការតភ្ជាប់នូវហេដ្ឋារចនាសម្ព័ន្ធរវាងខេត្ត និងខេត្តបានល្អព្រមជាមួយនឹងការដាក់បញ្ជូននូវរមណីយដ្ឋានធម្មជាតិថ្មីៗដែលត្រូវបានបង្កើតឡើង ព្រមជាមួយការគ្រប់គ្រងបានល្អពីសំណាក់អាជ្ញាធរមានសមត្ថកិច្ច និងមន្ទីរទេសចរណ៍នៅតាមតំបន់នីមួយៗ។ លោក ងិន សុវិមាន ប្រធានមន្ទីរទេសចរណ៍ ខេត្តមណ្ឌលគិរី បានឲ្យដឹងថា ចំនួនអ្នកមកទស្សនានៅក្នុងខេត្តនេះបានកើនឡើង ១,៣៨ភាគរយក្នុងអំឡុង៤ថ្ងៃ នៃពិធីបុណ្យចូលឆ្នាំប្រពៃណីខ្មែរ ដោយកើនពីជាង ១២ម៉ឺននាក់នាក់ក្នុងឆ្នាំ២០១៥ ដល់ជាង ១៣ម៉ឺននាក់ក្នុងឆ្នាំនេះ ក្នុងនោះភ្ញៀវបរទេសមានប្រមាណ ៣០២នាក់កើនប្រមាណ ៧,៥៨ ភាគរយ បើធៀបនឹងឆ្នាំមុនមានប្រមាណតែ ២៩៥នាក់ប៉ុណ្ណោះ។ លោក សុវិមាន ថ្លែងថា៖ «ចំនួនភ្ញៀវទេសចរដែលមកកាន់ខេត្តមណ្ឌលគិរី ក្នុងរយៈពេល៥ឆ្នាំចុងក្រោយនេះ កើនជាបន្តបន្ទាប់ដោយសារតែមន្ទីរទេសចរណ៍ ក៏ដូចជាក្រសួងទេសចរណ៍ បានសហការគ្នាក្នុងការគ្រប់គ្រងបានល្អ…
ភ្នំពេញ៖(ខ្មែរថាមស៍)ក្រសួងសេដ្ឋកិច្ចនិងហិរញ្ញវត្ថុបានបដិសេធព័ត៌មានកាលពីពេលថ្មីៗនេះលើប្រព័ន្ធផ្សព្វផ្សាយក្នុងស្រុកដែលលើកឡើងថារដ្ឋាភិបាលនឹងបោះចេញមូលបត្ររដ្ឋាភិបាលក្នុងរយៈពេលពីរឆ្នាំខាងមុខដើម្បីបង្កើនមូលនិធិបន្ថែមទៀតដោយបានតែងតាំងក្រុមហ៊ុនប្រឹក្សាហិរញ្ញវត្ថុ នៅទីក្រុងបាងកក Twin Pine Consulting សម្រាប់ការប្រឹក្សាយោបល់លើគម្រោងនេះ។ យោងទៅតាមសេចក្ដីប្រកាសជាសាធារណៈរបស់ក្រសួងនៅថ្ងៃទី១២ខែមេសាដែលបានដកស្រង់សម្ដីពីប្រព័ន្ធផ្សព្វផ្សាយក្នុងស្រុកថាមូលបត្ររដ្ឋាភិបាលនឹងប្រើប្រាស់រូបិយប័ណ្ណដុល្លារអាមេរិក និងបោះផ្សាយនៅលើទីផ្សារមូលធនរបស់ប្រទេសថៃ ដែលនឹងធ្វើឲ្យវាទទួលបានការចាប់អារម្មណ៍ច្រើនជាងមុនពីសំណាក់វិនិយោគិនអន្តរជាតិជាជាងការដែលចាប់បោះផ្សាយវានៅលើទីផ្សារមូលធនដែលមិនសូវល្បី និងមានការអភិវឌ្ឍមានកម្រិតរបស់ប្រទេសកម្ពុជា។ សេចក្ដីប្រកាសដដែលបានដកស្រង់ពីសារព័ត៌មាននេះឲ្យដឹងទៀតថា ក្រុមហ៊ុន Twin Pine Consulting ត្រូវបានរដ្ឋាភិបាលកម្ពុជា តែងតាំងជាអ្នកគ្រប់គ្រងការបោះផ្សាយមូលបត្រអន្តរជាតិរបស់ខ្លួន ហើយក្រុមហ៊ុននេះក៏បាននឹងកំពុងធ្វើការដើម្បីឲ្យទាន់កាលបរិច្ឆេទការបោះផ្សាយនៅឆ្នាំ២០១៨។ នាយកគ្រប់គ្រង ក្រុមហ៊ុនលោក Adisorn Singhsacha បានប្រាប់ប្រព័ន្ធផ្សព្វផ្សាយក្នុងស្រុកថា គាត់បានផ្ដល់អនុសាសន៍ជាបញ្ហាតូច ដើម្បីសាកល្បងអ្វីដែលថ្មី។ លោកបានថ្លែងថា៖ «គម្រោងចាប់ផ្ដើមពីចំនួនតូច១០០លានដុល្លារអាមេរិក » ។ លិខិតដដែលថា៖ «សេចក្ដីប្រកាសរបស់ក្រសួងមានបំណងដើម្បីបញ្ជាក់ដល់សាធារណជននៅលើអត្ថបទរបស់ប្រព័ន្ធផ្សព្វផ្សាយក្នុងស្រុក ដែលបានចេញផ្សាយកាលពីថ្ងៃទី៦ខែមេសាគឺមានការប្រាសចាកទៅនឹងការអនុវត្ត និងគោលនយោបាយរបស់រដ្ឋាភិបាលនៃព្រះរាជាណាចក្រកម្ពុជា ក្នុងការរៀបចំអភិវឌ្ឍទីផ្សារមូលបត្ររដ្ឋនៅកម្ពុជា»។ សេចក្ដីប្រកាសដដែលនោះបានឲ្យដឹងទៀតថា៖…
ភ្នំពេញ៖(ខ្មែរថាមស៍)បទល្មើសព្រហ្មទណ្ឌ បានថយចុះ១០ភាគរយប៉ុន្តែបានបណ្ដាលឲ្យមនុស្ស៥នាក់ស្លាប់ក្នុងរយៈពេល៤ថ្ងៃនៃពិធីបុណ្យចូលឆ្នាំខ្មែរ ឆ្នាំ២០១៦ នេះ បើធៀបទៅនឹងឆ្នាំមុន ខណៈដែលពលករខ្មែរ ដល់ទៅជាង ៤០០នាក់ ត្រូវបានសមត្ថកិច្ចថៃ បញ្ជូនត្រលប់មកកម្ពុជា វិញ ដោយសារការឆ្លងដែនខុសច្បាប់។ តាមរបាយការណ៍បូកសរុបសភាពការណ៍ និងលទ្ធផលក្នុងឱកាសបុណ្យចូលឆ្នាំប្រពៃណីជាតិ គិតចាប់ពីថ្ងៃទី១៣ ដល់ទី១៦ ខែមេសា ឆ្នាំ២០១៦ អគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងថា បទល្មើសព្រហ្មទណ្ឌទូទាំង ២៥រាជធានី-ខេត្ត បានកើតឡើងត្រឹមតែ២៧ករណីប៉ុណ្ណោះ ថយចុះ ៣លើក ស្មើនឹង ១០ភាគរយ បើធៀបនឹងឆ្នាំមុនមាន ៣០ករណី។ បទល្មើសនេះ បានបណ្ដាលឲ្យស្លាប់មនុស្ស ៥នាក់ របួស២០នាក់ និងរងគ្រោះ៣នាក់ផងដែរ។…
ភ្នំពេញ៖(ខ្មែរថាមស៍)ក្រោយពីជិះឧទ្ធម្ភាគចក្ររួមគ្នាជាមួយឯកអគ្គរដ្ឋទូតអាមេរិកនិងអង្គការក្រៅរដ្ឋាភិបាលដែលជាដៃគូអភិវឌ្ឍន៍មើលទិដ្ឋភាពទូទៅនៃព្រៃឡង់ រដ្ឋមន្ត្រីក្រសួងបរិស្ថាន សម្រេចនឹងដាក់តំបន់ព្រៃឡង់ ដែលនៅសល់ព្រៃឈើជាង៣០ម៉ឺនហិកតារនោះទៅទីស្ដីការគណៈរដ្ឋមន្ត្រីដើម្បីអនុម័តទៅជាតំបន់អភិរក្ស។ ថ្លែងនៅក្នុងសន្និសីទសារព័ត៌មានបន្ទាប់ពីវិលត្រឡប់ជិះឧទ្ធម្ភាគចក្ររួមគ្នាជាមួយដៃគូអភិវឌ្ឍន៍វិញនោះ លោក សាយ សំអាល រដ្ឋមន្ត្រីក្រសួងបរិស្ថាន បានថ្លែងថា ថ្ងៃនេះគឺជាការបើកទំព័រថ្មីមួយរវាងរដ្ឋាភិបាល និងដៃគូអភិវឌ្ឍន៍ទាំងអស់គ្នា ចូលរួមសហការគ្នាដោះស្រាយបញ្ហា គឺបានន័យថា ទទួលស្គាល់នូវបញ្ហាទាំងអស់គ្នា តើបញ្ហានោះវាជាក់ស្ដែងយ៉ាងម៉េច ជាជាងម្ខាងថា អញ្ចេះ និងម្ខាងថា អញ្ចុះ។ «ទំហំចុងក្រោយនៅសល់ល្បាក់ជាង៣០ម៉ឺនហិកតារ។ ឥឡូវយើងរួមគ្នាជាសញ្ញាមួយល្អ ដែលយើងធ្វើការសហការរួមគ្នា នៅក្នុងការឈានទៅដាក់តំបន់ព្រៃឡង់ ជាតំបន់អភិរក្សតែម្ដង។ រឿងនេះមិនមែនជារឿងសាមញ្ញទេវាជារឿងលំបាក»។ លោកបានលើកឡើងទៀតថា ព្រៃឡង់ លោកបានសិក្សា និងធ្វើការជាមួយនឹងអាជ្ញាធរមូលដ្ឋាន ហើយប៉ុន្មានថ្ងៃខាងមុខទៀតនឹងមានធ្វើសិក្ខាសាលាស្ដីពីការពិគ្រោះយោបល់មួយចុងក្រោយ មុននឹងរៀបអនុក្រឹត្យដាក់ទៅគណៈរដ្ឋមន្ត្រីដើម្បីសូមការអនុម័ត ហើយអ្វីដែលបានទៅជាមួយឯកឧត្ដមឯកអគ្គរដ្ឋទូតគឺ ត្រៀមដាក់ព្រៃឡង់ ទៅជាតំបន់អភិរក្ស…
ភ្នំពេញ៖(ខ្មែរថាមស៍)មនុស្សចំនួន២៥៤នាក់បានស្លាប់និងរបួសដោយគ្រោះថ្នាក់ចរាចរណ៍ក្នុងពេលដែលពលរដ្ឋប្រារព្ធពិធីបុណ្យចូលឆ្នាំរយៈពេល៤ថ្ងៃចំណែកឯមូលហេតុចម្បងនៃកត្តានាំឲ្យមានគ្រោះថ្នាក់នេះគឺបណ្ដាលមកពីការបើកបរហួសល្បឿនកំណត់ប៉ុន្តែអត្រាអ្នករងរបួសមានការថយចុះជាងឆ្នាំមុន ក្នុងរយៈពេលដូចគ្នានេះ។ យោងតាមរបាយការណ៍នៃទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសរបស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិ ដែលបានចេញផ្សាយកាលពីថ្ងៃអាទិត្យ ម្សិលមិញនេះ បានឲ្យដឹងថា ក្នុងឱកាសបុណ្យចូលឆ្នាំខ្មែរ រយៈពេល៤ថ្ងៃ ចាប់ពីថ្ងៃទី១៣ រហូតដល់ថ្ងៃទី១៦ ខែមេសា នេះ មានករណីគ្រោះថ្នាក់ចរាចរណ៍កើតឡើងចំនួន៩៨លើក ប៉ុន្តែករណីនេះមានការថយចុះបើធៀបនឹងរយៈពេលដូចគ្នាទៅនឹងឆ្នាំមុន។ របាយការណ៍ឲ្យដឹងថា៖ «មនុស្សចំនួន៤៧នាក់បានស្លាប់ និង២០៧នាក់បានរងរបួស ដោយក្នុងនោះមានរបួសធ្ងន់ចំនួន១៣៤នាក់និងរបួសស្រាលចំនួន៧៣នាក់ ដែលភាគច្រើននៃអ្នកស្លាប់នេះ ដោយអ្នកជិះម៉ូតូមិនបានពាក់មួកសុវត្ថិភាព ដែលមានអ្នកស្លាប់រហូតដល់៣៨នាក់»។ អត្រានៃអ្នកស្លាប់ដោយគ្រោះថ្នាក់ចរាចរណ៍នេះមានការកើនឡើងចំនួន៤នាក់ ឬស្មើនឹង៩ភាគរយ បើធៀបទៅនឹងរយៈពេលដូចគ្នាទៅនឹងឆ្នាំ២០១៥ ប៉ុន្តែចំនួនអ្នករងរបួសបែរជាមានការថយចុះរហូតដល់៧៤នាក់ ឬស្មើនឹង២៦ភាគរយ។ តាមរបាយការណ៍ដដែលនេះបានបន្តទៀតថា មូលហេតុនៃការគ្រោះថ្នាក់នេះបណ្ដាលមកពីការបើកបរល្បឿនលឿនហួសកំណត់ បើកបរពេលស្រវឹង ប្រជែង មិនគោរពសិទ្ធិ មិនប្រកាន់ស្ដាំងងុយដេកនិងកត្តាយានយន្ត ប៉ុន្តែកត្តាទាំងនេះមានការថយចុះច្រើនជាងឆ្នាំមុន។ ក្នុងនោះមានម៉ូតូចំនួន១២៣គ្រឿង…
ភ្នំពេញ៖(ខ្មែរថាមស៍)រដ្ឋាភិបាលកម្ពុជាបានសាទរចំពោះរដ្ឋាភិបាលចិនដែលបានសម្រេចបង្ហូរទឹកទន្លេមេគង្គភាគខាងលើរបស់ខ្លួនដើម្បីទម្លាក់ចូលទៅបណ្ដាប្រទេសក្នុងតំបន់ទន្លេមេគង្គផ្នែកខាងក្រោមទាំងប្រាំប្រទេសដើម្បីជួយសម្រាលផលប៉ះពាល់នៃគ្រោះរាំងស្ងួត ដែលកំពុងតែកើតមានឡើង។ នេះបើយោងតាមការប្រកាសព័ត៌មានរបស់ក្រសួងការបរទេសកម្ពុជា កាលពីម្សិលមិញ។ យោងទៅតាមសេចក្ដីប្រកាសព័ត៌មានរបស់ក្រសួងការបរទេសបានប្រកាសថា ក្រសួងការបរទេសនិងសហប្រតិបត្តិការអន្តរជាតិសូមស្វាគមន៍សេចក្ដីសម្រេចថ្មីៗនេះរបស់រដ្ឋាភិបាលចិន ក្នុងការបើកបង្ហូរទឹកពីទំនប់វារីអគ្គិសនីជីនហុង (Jinhong Hydro-power Station) ក្នុងខេត្តយូណាន ចូលមកទន្លេមេគង្គក្រោម ចាប់ពីថ្ងៃទី១១ ខែមេសា ឆ្នាំ២០១៦ នេះ ដើម្បីជួយសម្រាលផលប៉ះពាល់ដែលបណ្ដាលមកពីគ្រោះរាំងស្ងួតមកលើបណ្ដាប្រទេសតំបន់មេគង្គក្រោម រួមទាំងប្រទេសកម្ពុជា ផងដែរ។ លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម បានថ្លែងប្រាប់ ខ្មែរថាមស៍ ថា ប្រជាកសិករប្រមាណ៦០លាននាក់ដែលរស់នៅតាមបណ្ដោយទន្លេមេគង្គភាគខាងក្រោម ដែលមានដូចជា កម្ពុជា ឡាវ ថៃ និងវៀតណាម ជាដើមនឹងទទួលបានអត្ថប្រយោជន៍ដោយផ្ទាល់ពីការបង្ហូរទឹកភាគខាងលើនៃទន្លេមេគង្គពីសំណាក់ប្រទេសចិន។ លោកបានលើកឡើងថា៖…
សៀមរាប៖(ខ្មែរថាមស៍)ក្នុងឱកាសបុណ្យចូលឆ្នាំថ្មីប្រពៃណីជាតិខ្មែររយៈពេលបួនថ្ងៃនៅខេត្តសៀមរាបមានកំណើនភ្ញៀវទេសចរបរទេសចូលទស្សនាប្រមាណ២៩.
