cellcard cellcard

គ្រួសារ​ដែល​គេច​ពីចត្តាឡីស័ក​នៅ​ភ្នំពេញ​ត្រូវ​បាន​រក​ឃើញ​ខេត្ត​សៀមរាប​

ឃួន ណារីម / Khmer Times Share:

​មន្ទីរ​សុខាភិបាល​ខេត្ដ​សៀមរាប​បាន​ដាក់​ដោយ​ឡែក​ពី​គេ​នូវ​ក្រុមគ្រួសារ​មួយ​ដែល​បាន​វិលត្រឡប់​មកពី​ប្រទេស​អារ៉ាប់​រួម​ហើយ​បាន​រត់​ចេញ​ពី​មណ្ឌល​ច​ត្តា​ឡី​ស័ក​មួយ​នៅ​រាជធានី​ភ្នំពេញ​។​

​លោក ងី មាន​ហេង ប្រធាន​មន្ទីរ​សុខាភិបាល​រាជធានី​ភ្នំពេញ​បាន​ថ្លែង​កាលពី​ម្សិលមិញ​ថា មនុស្ស​ចំនួន ៤ នាក់​មកពី​ក្រុមគ្រួសារ​បានមក​ដល់​ប្រទេស​កម្ពុជា​កាលពី​យប់​ថ្ងៃ​សៅរ៍​ហើយ​ត្រូវបាន​គេ​យកទៅដាក់​នៅ​មណ្ឌល​ច​ត្តា​ឡី​ស័ក​ចាក់អង្រែ​ក្រោម​ក្នុង​រាជធានី​ភ្នំពេញ​។​

​លោក​បាន​និយាយថា​ពួកគាត់​បានមក​ដល់​ម​ណ្ឌ​ល​ច​ត្តា​ឡី​ស័ក​នៅ​ម៉ោង​ប្រហែល ១២ យប់ ប៉ុន្តែ​ពួកគាត់​បាន​ត្អូញត្អែរ​អំពី​ការ​ស្នាក់នៅ​ទីនោះ​ពីព្រោះ​ផ្ទះ​របស់​ពួកគាត់​ស្ថិតនៅក្នុង​ខេត្តសៀមរាប​។ ពួកគេ​បាន​យល់ព្រម​ស្នាក់នៅ​បន្ទាប់ពី​មន្ត្រី​ពន្យល់​ពី​ស្ថានភាព​បច្ចុប្បន្ន​។​

​លោក ងី មាន​ហេង បាន​មានប្រសាសន៍ថា​៖« ប៉ុន្តែ​នៅ​ម៉ោង​ប្រហែល ១ ព្រឹក ពួកគេ​បានគេច​ខ្លួន​ចេញពី​មណ្ឌល ខណៈ​បុគ្គលិក​ប្រចាំការ​កំពុង​ដេក​។ យើង​បាន​ជូនដំណឹង​ទៅ​អាជ្ញាធរ​ពាក់ព័ន្ធ ហើយ​ពួកគាត់​ត្រូវបាន​រកឃើញ​នៅ​ខេត្តសៀមរាប​» ។​

​នៅ​ថ្ងៃ​សុក្រ​នេះ​ស្ថានទូត​នៃ​ព្រះរាជាណាចក្រ​កម្ពុជា​ប្រចាំ​នៅ​គុយវែត​បាន​ជួយ​ក្នុង​ការធ្វើ​មាតុភូមិនិវត្តន៍​របស់​ក្រុមគ្រួសារ​កម្ពុ​ជាមួយនេះ ដែល​ជាប់គាំង​នៅក្នុង​ប្រទេស​អារ៉ាប់​រួម​បន្ទាប់ពី​មានការ​រឹតត្បិត​ក្នុងការ​ធ្វើដំណើរ​ដែល​បានដាក់​ចំពេល​មាន​ការរីក​រាលដាល​នៃ​ជំងឺ​កូ​វីដ​១៩ ។​

​សេចក្តីថ្លែងការណ៍​រប​ស់​ស្ថានទូត​បាន​ឲ្យ​ដឹងថា ជនជាតិខ្មែរ​ទាំង ៤ នាក់​បាន​ជាប់គាំង​នៅក្នុង​ប្រទេស​អារ៉ាប់​រួម​ចាប់តាំងពី​ថ្ងៃទី ២៨ ខែមីនា​។​

​ឯកអគ្គរដ្ឋទូត​កម្ពុ​ជាប្រចាំ​នៅ​ប្រទេស​គុយ​វ៉ែត​បាន​ដឹកនាំ​កិច្ចប្រឹងប្រែង​ធ្វើ​មាតុភូមិនិវត្តន៍​ដោយមាន​ការសម្របសម្រួល​ពី​ស្ថានទូត​កូរ៉េខាងត្បូង​នៅ​កូ​វ៉ែត​និង​ក្រុមហ៊ុន​អាកាសចរណ៍ Etihad Airways របស់​ប្រទេស​អារ៉ាប់​រួម​។​

​លោក​ក្រសា​សារ៉ាត់​ប្រធាន​មន្ទីរ​សុខាភិបាល​ខេត្តសៀមរាប​បាន​មានប្រសាសន៍ថា​ថ្ងៃនេះ​ក្រុមគ្រួសារ​ដែល​រត់គេចខ្លួន​ត្រូវបាន​ប៉ូលីស​នាំទៅ​ឃុំខ្លួន​។​

​លោក  ក្រុស សារ៉ាត់ ប្រធាន​មន្ទីរ​សុខាភិបាល​ខេត្តសៀមរាប បាន​ឲ្យ​ដឹង​កាលពី​ម្សិលមិញ​ថា ក្រុម​ប៉ូលីស​បាន​យក​គ្រួសារ​ដែល​បានគេច​ខ្លួន​នេះ​មក​ដាក់​ដាច់ដោយឡែក​ពី​គេ​ហើយ​។​

​លោក​បាន​មានប្រសាសន៍ថា​៖« ឥឡូវ​ពួកគាត់​ត្រូវ​បានដាក់ ឲ្យ នៅ​ដាច់​ពី​គេ​រយៈពេល ១៤ ថ្ងៃ​នៅ​មន្ទីរពេទ្យបង្អែក​ខេត្ត​»​ប៉ុន្តែ​លោក​បាន​បដិសេធ​មិន​ធ្វើ​អត្ថាធិប្បាយ​បន្ថែម​ទេ​៕  ប្រែ​ស​ម្រូ​ល តាំង រីនិត្យ​

Previous Article

ព្រះមហាក្សត្រ​ខ្មែរ​ថ្លែងអំណរគុណ​ចំពោះ​ប្រទេស​ចិន​ដែល​បាន​ជួយ​កម្ពុជា​ក្នុង​ការ​ប្រយុទ្ធ​នឹង​ជំងឺ​កូវីដ​១៩

Next Article

ក្រសួង​ធនធានទឹក​ហាម​លប់​ស្ទឹង បឹង បួរ ដើម្បី​បញ្ជៀ​ស​គ្រោះមហន្តរាយ​ទឹកជំនន់