ក្រសួងមហាផ្ទៃ គ្រោងតំឡើង​ កាមេរ៉ា ចរាចរណ៍

ដោយ បាន ចក់, និង ផុន ច័ន្ទឧសភា No Comments Share:

ភ្នំពេញ ខ្មែរថាមស៍ – ដើម្បីអោយការអនុវត្តច្បាប់ ចរាចរណ៍ប្រសើរឡើង ក្រសួងមហាផ្ទៃរៀបចំគ្រោង នឹងតំឡើងកាមេរ៉ាចរាចរណ៍ ក្នុងគោលបំណងដើម្បី ថតចាប់យក បទល្មើសចរាចរណ៍ ដែលកើតមានឡើង តាមដងផ្លូវនៅភ្នំពេញ។
 
លោកនាយករងនាយកដ្ឋានសណ្តាប់ ធ្នាប់សាធារណៈ នៃអគ្គស្នងការនគរបាលជាតិ លោក លុយ ឈិន បាន​និយាយ នៅក្នុងសិក្ខាសាលាដែលធ្វើឡើងនៅ មជ្ឈមណ្ឌលសហប្រតិបត្តិការ កម្ពុជា-ជប៉ុន ពីថ្ងៃច័ន្ទ​​ ថាមន្ត្រី ជំនាញរបស់ក្រសួង កំពុងសិក្សារៀបចំតំឡើង ដាក់ កាមេរ៉ាសុវត្ថិភាព នៅតាមបណ្តាផ្លូវសំខាន់ៗ មួយចំនួននៅ ក្នុងក្រុងភ្នំពេញដើម្បី ត្រួតពិនិត្យតាម​ដាន​ ស្ថានភាពចរាចរណ៍នៅកម្ពុជា​ ហើយពេល មានកាមេរ៉ាទាំងនេះ     អ្នកដែលបានប្រព្រឹត្តិបទល្មើស ចរាចរណ៍មិនអាច រត់គេចបានទៀតទេ។
 
បើយោងទៅតាមតួរលេខ របស់គណៈកម្មការជាតិ ដើម្បីសុវត្ថិភាពផ្លូវថ្នល់ ក្នុងរយៈពេល ៩ខែដើមឆ្នាំនេះ មាន​គ្រោះថ្នាក់ចរាចរណ៍ កើតឡើងចំនួន៣,៦៣៨  ករណីស្លាប់ ១,៦៣០នាក់ របួសស​្រាល២,៥៤៧ នាក់ របួសធ្ងន់ ៣,៤៧៦នាក់។ តួរលេខ នេះបាន បង្ហាញអោយឃើញថា អត្រាគ្រោះថ្នាក់ ចរាចរណ៍ បានកើនឡើង ក្នុងឆ្នាំនេះ។ គេសង្ឃឹមថា ការដាក់ អោយមានកាមេរ៉ាចរាចរណ៍នេះ នឹងអាចជួយកាត់ បន្ថយគ្រោះថ្នាក់បានមួយកំរិត។ 

Share and Like this post

Related Posts

Previous Article

សកលភ្នំពេញសហការជាមួយសាលានៅហុងកុង និងហុងហ្គារី

Next Article

រស់នៅជាមួយខ្មោច