cellcard cellcard cellcard

ស្នងការស្រុកដែលទើបនឹងត្រូវបានផ្អាកការងារត្រូវបានគេចោទប្រកាន់ពីបទជួញដូរមនុស្ស

ប៊ុត រស្មីគង្គា / Khmer Times Share:
លោក គឹម ពន្លក អតីតអធិការនគរបាលស្រុកកំរៀងត្រូវបានចោទប្រកាន់ពីបទជួញដូរមនុស្ស។ ហ្វេសប៊ុក

លោក គឹម ពន្លក អធិការនគរបាលស្រុកកំរៀង​ដែលត្រូវបានដកហូតឋានៈ និងបណ្តេញចេញពីការងារ ត្រូវបានចោទប្រកាន់ពីបទជួញដូរមនុស្ស​នៅសាលាដំបូងខេត្តបាត់ដំបងកាលពីម្សិលមិញ។

តុលាការបានចោទប្រកាន់ និងឃុំខ្លួនលោក គឹម ពន្លក អាយុ ៤៦ ឆ្នាំពីបទជួញដូរពលករចំណាកស្រុកដោយខុសច្បាប់​ឲ្យទៅធ្វើការនៅប្រទេសថៃបន្ទាប់ពីរដ្ឋាភិបាលហាមឃាត់ពលរដ្ឋមិនឲ្យទៅធ្វើការនៅក្រៅប្រទេសអំឡុងមានការផ្ទុះឡើងនៃជំងឺកូវីដ-១៩។

ចៅក្រម ឃី ឆាយ បានកំណត់អត្តសញ្ញាណលោក គឹម ពន្លក ជាអតីតអធិការនគរបាលស្រុកកំរៀងដែលរស់នៅក្នុងភូមិវត្តគរ​ ឃុំវត្តគរ ស្រុកសង្កែខេត្តបាត់ដំបង។

លោកបាននិយាយថាជនជាប់ចោទត្រូវបានចោទប្រកាន់ពីបទ « នាំយកចេញដោយមិនស្របច្បាប់សម្រាប់នាំឆ្លងដែន» តាមមាត្រា ១១ នៃច្បាប់ស្តីពីការបង្ក្រាបអំពើជួញមនុស្ស និងអំពើធ្វើអាជីវកម្មផ្លូវភេទ

ប្រសិនបើត្រូវបានផ្តន្ទាទោស លោកនឹងប្រឈមមុខនឹងការជាប់ពន្ធនាគារពី ៧ ទៅ ១៥ ឆ្នាំ។

ចៅក្រមបាននិយាយថាលោក ពន្លក ដែលត្រូវបានចាប់ខ្លួនកាលពីថ្ងៃអង្គារកំពុងត្រូវបានឃុំខ្លួនក្នុងពន្ធនាគាររង់ចាំការជំនុំជម្រះ។

លោកវរសេនីយ៍ត្រី មុំ សារឿន ស្នងការនគរបាលខេត្តបាត់ដំបងបានប្រាប់កាសែតខ្មែរថាមស៍ថាលោក គឹម ពន្លក ត្រូវបានបណ្តេញចេញពីក្របខ័ណ្ឌប៉ូលីស [ដែលត្រូវបានលុបចេញពីបញ្ជីឈ្មោះនគរបាលជាតិ] កាលពីថ្ងៃច័ន្ទបន្ទាប់ពីរូបភាពបែកធ្លាយបានបង្ហាញថាលោកបានបញ្ជូនមនុស្ស ៥ នាក់ឲ្យទៅធ្វើការខុសច្បាប់នៅប្រទេសថៃកាលពីថ្ងៃទី ៨ ខែកុម្ភៈ។ ។

លោកបានបន្តថាយោងតាមការស៊ើបអង្កេតរបស់ប៉ូលីស ក្រៅពីការជួញដូរមនុស្សទាំង ៥ នាក់ឲ្យទៅធ្វើការខុសច្បាប់នៅប្រទេសថៃកាលពីថ្ងៃទី ៨ ខែកុម្ភៈ។ ក្នុងខែមករាលោក ពន្លក ដែលនៅពេលនោះជាអធិការនគរបាលស្រុកកំរៀងបានដោះលែង មេខ្យល់ ចំនួន ២ នាក់ដោយមិនបានបញ្ជូនពួកគេទៅតុលាការខេត្តដើម្បីសាកសួរបន្ទាប់ពីពួកគេត្រូវបានចាប់ខ្លួនដោយប៉ូលីសស្រុកដែលស្ថិតនៅក្រោមការគ្រប់គ្រងរបស់គាត់។

លោកបានកត់សម្គាល់ថា មេខ្យល់ទាំងពីរនាក់នេះ ត្រូវបានចាប់ខ្លួននៅថ្ងៃទី ១៣ ខែមករាបន្ទាប់ពីពួកគេបានព្យាយាមធ្វើជួញដូរមនុស្សចំនួន ៤ នាក់ឲ្យទៅធ្វើការខុសច្បាប់នៅក្នុងប្រទេសថៃតាមរយៈការឆ្លងដែនក្រៅកន្លែងត្រួតពិនិត្យស្របច្បាប់នៅព្រំដែនកម្ពុជា-ថៃ។

លោក សារឿន បានបន្ថែមថាប៉ូលីសដែលកំពុងល្បាតតាមព្រំដែនបានជួយសង្គ្រោះជនរងគ្រោះពីមេខ្យល់ទាំងនោះ៕

ប្រែសម្រួលដោយ សៀវ​ គួយអ៊ី

Related Posts

Previous Article

រដ្ឋាភិបាលចេញអនុក្រឹត្យ​ស្ដីពី​ការ​បង្កើត​ច្រក​ទ្វារ​អ៊ីនធឺណិត​ជាតិ​

Next Article

រដ្ឋាភិបាលបានរិះគន់អតីតបក្សប្រឆាំងដែលបានអំពាវនាវឲ្យប្រជាជន«លើកម្រាមដៃបី»​