cellcard cellcard cellcard

កម្លាំងយោធាចាប់បាន «មេខ្យល់» ដែលព្យាយាមនាំពលករលួចចូលទៅប្រទេសថៃ

ទិត្យ គង់នៅ / Khmer Times Share:
បុរសឈ្មោះ ប៉ិក ឌត ត្រូវបានចាប់ខ្លួននៅខេត្តបន្ទាយមានជ័យបន្ទាប់ពីព្យាយាមនាំពលករចំណាកស្រុកកម្ពុជាឆ្លងទៅប្រទេសថៃ។ កោះសន្តិភាព

កាលពីថ្ងៃច័ន្ទ​ មេខ្យល់ម្នាក់ក្នុងចំណោមបក្ខពួកចំនួនបីនាក់ដែលពាក់ព័ន្ធនឹងការជួញដូរមនុស្សត្រូវបានចាប់ខ្លួនដោយការិយាល័យប្រឆាំងការជួញដូរមនុស្ស និងការពារអនីតិជនខេត្តបន្ទាយមានជ័យ។

ករណីនេះត្រូវបានបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមនីតិវិធីច្បាប់នៅថ្ងៃទី ១៨ ខែមករា។

លោក​វរសេនីយ៍ឯក​ ជា​ ស្លូញ​ អធិការ​នគរបាល​ស្រុក​ស្វាយចេកបានឲ្យដឹងថាជនសង្ស័យត្រូវបានប្រទះឃើញដោយកម្លាំងល្បាតមូលដ្ឋានកងពលតូចថ្មើរជើងលេខ ៥០៣ ដែលព្យាយាមនាំប្រជាជនខ្មែរឲ្យទៅធ្វើការនៅប្រទេសថៃដែលរួមមានភេទប្រុស និងស្រីចំនួន ១១ នាក់ហើយក្នុងនោះមានទារកអាយុ ៣ ខែផងដែរ។

លោកបន្ថែមថាជនសង្ស័យមានអាយុ ៣៦ ឆ្នាំដែលត្រូវបានគេស្គាល់ឈ្មោះ ប៉ិក ឌ​ត មកពីភូមិចំការគរ ឃុំស្វាយចេក ស្រុកស្វាយចេក ខេត្តបន្ទាយមានជ័យ។

លោកវរសេនីយ៍ឯកនិយាយថា៖ «ពលករត្រូវបានគេនាំទៅកាន់មណ្ឌល​សំចត​ឃុំ​អូរ​បី​ជាន់ ស្រុក​អូរ​ជ្រៅ ខេត្តបន្ទាយមានជ័យ»។

លោកបន្ថែមថាជនសង្ស័យត្រូវបានឃាត់ខ្លួនដែលដឹកនាំដោយក្រុមរបស់លោកនៅឯមណ្ឌល ហើយនាំខ្លួនមកកាន់អធិការដ្ឋាននគរបាលស្រុកស្វាយចេកដើម្បីធ្វើការសាកសួរនិងចាត់ការតាមច្បាប់។

លោកវរសេនីយ៍ទោ ឡាយ គឹមលួន នាយការិយាល័យនគរបាលប្រឆាំងការជួញដូរមនុស្សនិងការពារអនីតិជនបានឲ្យដឹងថាជនសង្ស័យបានសារភាពថាបក្ខពួក ២ នាក់របស់គាត់បានរត់គេចខ្លួនពេលបានឃើញអាជ្ញាធរដោយបានប្រាប់ឈ្មោះថា ឡុំ និង ថា។

ពួកគេពិតជាបាននាំពលករនិងកុមារឆ្លងព្រំដែនទៅធ្វើការនៅប្រទេសថៃដោយខុសច្បាប់ក្នុងតម្លៃ ៣,៣៤ ដុល្លារ។

លោកបន្ថែមថាជនសង្ស័យ និងពលករករកំពុងដើរទៅកាន់តំបន់ ស នៃព្រំដែននៅពេលដែលកម្លាំងយោធាបានឃាត់ខ្លួនពួកគេ។

លោកថាជនសង្ស័យត្រូវបានការិយាល័យប្រឆាំងការជួញដូរមនុស្ស និងការពារអនីតិជនសាកសួរមុនពេលបញ្ជូនទៅសាលាដំបូងខេត្ត។

ប្រែសម្រួលដោយ សៀវ គួយអ៊ី

Related Posts

Previous Article

គ្រួសារខ្មែរថាមស៍បាត់បង់​សមាជិក​ដ៏ល្អ​ម្នាក់

Next Article

ឥណ្ឌាស្វែងរកទំនាក់ទំនងអន្តរសភាបន្ថែមទៀតជាមួយប្រទេសកម្ពុជា