cellcard cellcard cellcard

ស៊ីម៉ាក់​នឹង​បោស​សំអាត​គ្រាប់​មីន​ឲ្យ​បាន​ច្រើន​ជាង​ឆ្នាំ​មុន​

ខាន់ ច័ន្ទវីរៈ / Khmer Times Share:
​អ្នកជំនាញ​ស៊ីម៉ាក់​កំពុង​ដោះ​គ្រាប់​មិនទាន់​ផ្ទុះ​។ ស៊ីម៉ាក់​

មជ្ឈមណ្ឌល​សកម្មភាព​កំចាត់​មីន​កម្ពុជា (CMAC) បាន​ប្រកាស​ថា​ខ្លួន​និង​បោសសំអាត​គ្រាប់មីន​ជិត ១០ ភាគរយ​បន្ថែមទៀត​នៅ​ឆ្នាំនេះ​បើ​ប្រៀបធៀប​ទៅនឹង​ចំនួន​ឆ្នាំមុន​។​

aba

​នៅ​ចុង​ឆ្នាំនេះ ស៊ីម៉ាក់​គ្រោង​នឹង​បោសសំអាត​មីន គ្រាប់បែក​ចង្កោម និង​យុទ្ធភណ្ឌ​មិនទាន់​ផ្ទុះ​ចំនួន​ជាង ១១៣ គីឡូម៉ែត្រ​ក្រឡា​នៅ​ទូទាំងប្រទេស​។​

​លោក ហេង រតនា អគ្គនាយក​ស៊ីម៉ាក់​បាន​និយាយថា​៖ «​យើង​ត្រូវការ​បុគ្គលិក​ជាង ១៥០០ នាក់​ដើម្បី​អនុវត្ត​ផែនការ​នេះ​ដោយ​ចំណាយ​ថវិកា​ជាង ១៤ លាន​ដុល្លារ​។ រហូតមកដល់​ពេលនេះ គម្រោង​ប្រហែល ៩០ ភាគរយ​កំពុងស្ថិត​ក្នុង​ដៃ​ហើយ​។ នៅក្នុង​ឆ្នាំ ២០២១ ស៊ីម៉ាក់​គ្រោង​នឹង​បញ្ចូល​ការ​បោសសំអាត​មីន​និង​ការជួយ​សង្គ្រោះ​គ្រោះមហន្តរាយ​ដោយមាន​ជំនួយ​ពី​ជប៉ុន​»​។​

​លោក​បាន​អំពាវនាវ​ឲ្យ​ប្រជាជន​ទាំងអស់​ចូលរួម​សហការ​ជាមួយ​អាជ្ញាធរ​មូលដ្ឋាន ក៏ដូចជា​កម្លាំង​អនុវត្ត​ច្បាប់​គ្រប់​លំដាប់ថ្នាក់​។​

​លោក​និយាយថា​៖ «​ប្រសិនបើ​កំលាំង​ស៊ីម៉ាក់​មិនទាន់​ទៅដល់​សហគមន៍ ហើយ​ប្រជាជន​បានឃើញ​អ្វីដែល​សង្ស័យថា​ជា​គ្រាប់មីន គួរ​កុំ​ធ្វើបាតុកម្ម ឬ​កុំ​ប៉ះ​វា និង​កុំ​ផ្លាស់ប្តូរ​ទីតាំង​របស់​វា​អី ព្រោះ​វា​អាច​ផ្ទុះ​ដែល​បង្ក​ហានិភ័យ​ខ្ពស់​ដល់​អាយុជីវិត​មនុស្ស ហើយ​ក្រុមគ្រួសារ​របស់​ពួកគេ​ត្រូវតែ​រាយការណ៍​ឲ្យ​បាន​ឆាប់​តាម​ដែល​អាច​ធ្វើបាន​ដើម្បី​ឲ្យ​ស៊ីម៉ាក់​ជួយ​អន្តរាគមន៍​ទាន់ពេលវេលា​»​។​

​លើ​បញ្ហា​មួយទៀត លោក​បាន​និយាយថា​បុគ្គលិក​ស៊ីម៉ាក់​ភេទ​ប្រុស​ដែល​បាន​បម្រើ​ការងារ​រយៈពេល ១៥ ឆ្នាំ​និង​ស្រី ១០ ឆ្នាំ អាចដាក់​ពាក្យសុំ​ចូល​ប​ម្រើ​ការងារ​នៅ​កងយោធពល​ខេមរភូមិន្ទ ឬ​អាច​ចូលនិវត្តន៍​ដោយមាន​ប្រាក់​សោធន​ពី​ស៊ីម៉ាក់​។​

​លោក​បន្តថា​៖ «​បន្ទាប់ពី​ធ្វើការ​អស់​រយៈពេល​ជាង ១០ ឆ្នាំ​បុគ្គលិក​ស៊ីម៉ាក់​អាច​បម្រើ​ការងារ​យោធា​ដរាបណា​ពួកគេ​មាន​សុខភាព​ល្អ​។ ទោះយ៉ាងណា ប្រសិនបើ​ពួកគេ​មិនមាន​សុខភាព​ល្អ​ពួកគេ​អាចដាក់​ពាក្យសុំ​ចូលនិវត្តន៍​។ អ្នក​ដែល​ពិការ ឬ​រងរបួស​នៅ​កន្លែងធ្វើការ​នឹង​ទទួលបាន​សំណង​ច្រើន​»​។​

​នៅ​ឆ្នាំនេះ ស៊ីម៉ាក់​បានដាក់​ចេញ​នូវ​គម្រោង​ថ្មី​ចំនួន ២ គឺ​គម្រោង​បោសសំអាត​មីន និង​សមាហរណកម្ម​នៅ​ស្រុក​ក្រគរ ខេត្តបាត់ដំបង​និង​គម្រោង​ទី ១ ទី ២ និង​ទី ៣ នៃ​គម្រោង​សកម្មភាព​មីន​ក្រោម​ជំនួយ​ឧបត្ថម្ភ​ពី​យូ​អិន​ឌី​ភី ដែល​គាំទ្រ​ដោយ​រដ្ឋាភិបាល​អូស្ត្រាលី ណូ​វែ​ល​សេ​ឡង់ កូរ៉េខាងត្បូង និង​កាណាដា​៕

​ប្រែ​សម្រួល​ដោយ សៀវ គួ​យ​អ៊ី​

Related Posts

Previous Article

រដ្ឋាភិបាល ​នឹង​ផ្តល់​ជំនួយ​ដល់​ពលករ​នៅ​ប្រទេស​ម៉ាឡេស៊ី​ដែល​នៅ​ក្រោម​ភាព​អាសន្ន​

Next Article

ការ​ស្នើ​ប្រជាជន​កម្ពុជា​កុំ​ឲ្យ​ជឿ មេ​ខ្យល់ ដែល​សន្យាថា​និង​ផ្តល់​ការងារ​ដល់​ពួកគេ​