cellcard cellcard cellcard

អ្នក​ជំនាញ IT បង្កើត​កម្មវិធី​ទូរស័ព្ទ​ដែល​ផ្ដល់ជូន​គ្រឿង​ផ្សំ​មុខ​ម្ហូប​ខ្មែរ​ដល់​អ្នក​ប្រើប្រាស់​

Tom Starkey / Khmer Times Share:
ចំនួន​មុខម្ហូប​ខ្មែរ​មានការ​កើនឡើង​ក្នុង​កម្មវិធី​ទូរស័ព្ទ​ចល័ត ខណៈដែល​អ្នក​អភិវឌ្ឍន៍​កំពុង​សម្លឹង​មើល​សក្តានុពល​នៃ​ប្រាក់ចំណូល​ពី​ការផ្សាយពាណិជ្ជកម្ម​ដែល​កំពុង​រីកចម្រើន​។​ ខ្មែរ​ថា​ម​សន៍

​ស្រប​ពេលដែល​ប្រជាជន​កម្ពុជា​ចាប់​យក​យុគសម័យ​ឌីជីថល​កាន់​តែ​ច្រើន បណ្តា​អ្នក​អភិវឌ្ឍន៍​កម្មវិធី​ទូរស័ព្ទ​កំពុង​បង្កើត​កម្មវិធី​នៃ​មុខម្ហូប​ខ្មែរ​ដើម្បី​ចែករំលែក​មុខម្ហូប​ប្រពៃណី​របស់​ប្រទេស​កម្ពុជា​។​

aba

​មុខម្ហូប​ខ្មែរ​នាពេល​បច្ចុប្បន្ន​បាន​ឈានដល់​មហាជន​តាមរយៈ​វេទិកា​ឌីជីថល​នានា​។ ការទាញយក​កម្មវិធី​រាប់ពាន់​ដង​ពី Google Play និង Apple App Store បាន​បង្កើតជា​សក្តានុពល​នៃ​ប្រាក់ចំណូល​ពី​ការផ្សាយពាណិជ្ជកម្ម​ដែល​កំពុង​បន្ត​ក្នុងចំណោម​កម្មវិធី​ដែល​ផ្ដល់នូវ​មុខម្ហូប​ខ្មែរ​។​

​នៅលើ Google Play សម្រាប់​ប្រព័ន្ធ Android កម្មវិធី « Khmer Cooking Recipe» កំពុងតែ​ឈានមុខ​គេ ដែល​ត្រូវបាន​ទាញយក​ច្រើនជាង ១០០,០០០ ដង​។ កម្មវិធី​នេះ​ក៏​ទទួលបាន​ចំណាត់ថ្នាក់​គួរឱ្យ​ចាប់អារម្មណ៍​ក្នុង​កម្រិត ៤.៦  នៃ កម្រិត ៥ ផងដែរ ខណៈដែល​មានការ​លើក​ឡើង​ថា​កម្មវិធី​នេះ​មាន​ភាពប្រសើរ​ជាង​កម្មវិធី​មុខម្ហូប​ខ្មែរ​ដ៍ទៃទៀត​។​

​ការលើកឡើង​មួយ​ផ្សេងទៀត​បាន​ឲ្យ​ដឹងថា​៖ «​ប្រសិនបើ​អ្នក​ចូលចិត្ត​បរិភោគ​ម្ហូប​ខ្មែរ ប៉ុន្តែ​មិនដឹង​ពី​របៀប​រៀបចំ​ម្ហូប ឬ​គ្រឿងផ្សំ​អ្វីដែល​ត្រូវបាន​ប្រើ​ក្នុងការ​ចំអិន​នោះទេ នេះ​គឺជា​កម្មវិធី​ដែល​អ្នកត្រូវការ ខណៈដែល​វា​បង្ហាញ​អ្នក​នូវ​គ្រឿងផ្សំ​ទាំងអស់ ហើយ​ក៏មាន​វីដេអូ​ខ្លះ​បង្ហាញ​ពី​របៀប​ចំអិន​ផងដែរ​»​។​

​កម្មវិធី​មួយ​ផ្សេងទៀត «Khmer Cooking» ទទួលបាន​ការវាយតម្លៃ​ក្នុង​កម្រិត ៤.២ ក្នុងចំណោម ៥ ។​

​បើទោះបីជា​អ្នកប្រើប្រាស់​មួយចំនួន​បាន​ថ្លែងថា​កម្មវិធី​នេះ​មាន​ភាពល្អប្រសើរ​ក៏ដោយ អ្នកប្រើប្រាស់​ម្នាក់​បានលើកឡើង​ថា​ការផ្សាយពាណិជ្ជកម្ម​ជាច្រើន​ធ្វើឱ្យ​កម្មវិធី​នេះ​មិនអាច​ប្រើ​បាន​។​

​ទន្ទឹមនឹងនេះ នៅលើ App Store របស់ Apple ខណៈពេលដែល​កម្មវិធី « Khmer Cooking» មិនទាន់មាន​ការទាញយក​បាន​គ្រប់គ្រាន់​ដើម្បី​ទទួលបាន​ចំណាត់ថ្នាក់ ចំនួន​ទាញយក​របស់ខ្លួន​កំពុងតែ​កើនឡើង​ជា​រៀងរាល់ថ្ងៃ​។​

​ខណៈពេលដែល​អ្នក​ប្រើ​កម្មវិធី​ចម្អិន​អាហារ​ស្វែងរក​គំនិត​ថ្មី​អំពី​អ្វីដែល​ត្រូវធ្វើ​សម្រាប់​អាហារ​របស់​ពួកគេ អ្នក​អភិវឌ្ឍន៍​នានា​បានជ្រើសរើស​យក​មធ្យោបាយ​ក្នុងការ​ទទួលបាន​ប្រាក់ចំណូល​តាមរយៈ​កម្ម​វិធី​ទាំងនេះ​។​

​អ្នក​អភិវឌ្ឍន៍​វេទិកា​ទូរស័ព្ទ​ចល័ត​ឈានមុខ Tekrevol បាន​ឲ្យ​ដឹងថា​កម្មវិធី​កំពូលៗ​មាន​សក្តានុពល​ក្នុងការ​ទាញ​ប្រាក់ចំណូល​រាប់ពាន់​លាន​ដុល្លារ​។​

«​ទោះជា​យ៉ាងណា កម្មវិធី​ដើម្បី​ធ្វើ​វា​មាន​ចំនួន​តិច​ណាស់​។ ដូច្នេះ វា​គឺជា​សកម្មភាព​ពិបាក​មួយ​ក្នុងការ​ផ្តល់​តួលេខ​អំពី​ចំនួន​ទឹកប្រាក់​ដែល​កម្មវិធី​អាច​រកបាន​»​។​

Tekrevol បន្ថែមថា​ការសំរេចបាន​និង​រក្សាបាន​តំណែង​កំពូល​ទាំង ២០០ ក្នុងការ​ទាញយក​កម្ម​វិធី​អាច​រកប្រាក់​ចំណេញ​ដល់​អ្នក​អភិវឌ្ឍន៍​ចំនួន ៨២ ៥០០ ដុល្លារ​ក្នុង​មួយថ្ងៃ​។​

«​ប៉ុន្តែ​នៅពេលដែល​យើង​មើលទៅ​កាន់​តួលេខ​សម្រាប់​កម្មវិធី​កំពូល​ទាំង ៨០០ ប្រាក់ចំនូល​ប្រចាំថ្ងៃ​ធ្លាក់ចុះ​ដល់​ប្រមាណ​ជា ៣ ៥០០ ដុល្លារ​»​។​

«​ទោះជា​យ៉ាងណា ទីផ្សារ​កម្មវិធី​កំពុងតែ​ទទួលបាន​កំណើន​ជា​បន្ត ខណៈដែល​អ្នកវិភាគ​ឧស្សាហកម្ម​ព្យាករណ៍​ថា​និន្នាការ​នេះ​នឹង​នៅតែ​រឹងមាំ​ទៅ​អនាគត​ផងដែរ​»​។​

​ទីផ្សារ​កម្មវិធី​រូបមន្ត​មុខម្ហូប​ត្រូវបាន​រំពឹងថា​នឹង​កើនឡើង​ក្នុង​អត្រាកំណើន​ប្រចាំឆ្នាំ ១៦ ភាគរយ​ចន្លោះ​ឆ្នាំ ២០១៩ និង ២០២៧ នេះ​បើ​យោងតាម​ស្ថាប័ន Absolute Market Insights ។ អត្រាកំណើន​ប្រចាំ​ឆ្នាំនេះ​ត្រូវបាន​ជំរុញ​ដោយ​អ្នក​អភិវឌ្ឍន៍​ដែល​ពង្រីក​មុខងារ​និង​សមត្ថភាព​កម្មវិធី​ជា​បន្តបន្ទាប់​។​

AMI បាន​ឲ្យ​ដឹងថា tech-savvy millennials (​ចាប់ផ្ដើម​នៅ​ចន្លោះ​ឆ្នាំ ១៩៧៩ និង ១៩៩៥) និង Generation Z (​ចាប់ផ្ដើម​នៅ​ចន្លោះ​ឆ្នាំ ១៩៩៦ និង​ឆ្នាំ ២០១០) កាន់តែច្រើន​ប្រើ​វេទិកា​ឌីជីថល​ដើម្បី​អនុវត្ត​សកម្មភាព​ប្រចាំថ្ងៃ​របស់​ពួកគេ​។​

«​តាមរយៈ​ការផ្លាស់ប្តូរ​និន្នាការ​នេះ ក្រុមហ៊ុន​នានា​នៅក្នុង​ទីផ្សារ​កម្មវិធី​រូបមន្ត​ធ្វើ​ម្ហូប​ធ្វើ​សមាហរណកម្ម​នូវ​លក្ខណៈពិសេស​បន្ថែម​ផ្សេងៗ​គ្នា​រួមមាន​បញ្ជី​គ្រឿងទេស​ស្វ័យប្រវត្តិ​។ បញ្ជី​រាយ​គ្រឿងទេស​ស្វ័យប្រវត្តិកម្ម​បំ​លែង​រូបមន្ត​ដែល​បាន​រក្សាទុក​ទៅក្នុង​បញ្ជី​ទិញ​ទំនិញ​តាមរយៈ​លក្ខណៈ​សហការ​គ្នា ដែល​ផ្តល់​ដល់​អ្នកប្រើប្រាស់​រប​ស់​ខ្លួន​នូវ​ភាពងាយស្រួល​ក្នុងការ​ចម្អិន​អាហារ​»​។​

AMI បន្តថា​ការ​ជឿនលឿន​ទៅមុខ​នៃ​បច្ចេកវិទ្យា​ក៏​កំពុង​ត្រូវបាន​ដាក់បញ្ចូល​ផងដែរ​។ ក្នុងចំណោម​នោះ​មាន «snap n cook» ជា​មុខងារ​មួយ​ដែល​អាចឱ្យ​អ្នកប្រើប្រាស់​ចុច​រូបភាព​នៃ​គ្រឿងផ្សំ បន្ទាប់មក​វិភាគ​ដើម្បី​បង្កើត​រូបមន្ត​ដែល​បាន​ណែនាំ​និង​ពាក់ព័ន្ធ​។ food intelligence ក៏​អាច​បង្កើតជា​ការណែនាំ​ផ្ទាល់ខ្លួន​សម្រាប់​អ្នកប្រើប្រាស់​ផងដែរ​។​

​នៅក្នុង​ប្រទេស​កម្ពុជា ការនាំយក​មុខម្ហូបរ​បស់​ប្រទេស​កម្ពុជា​ទៅកាន់​ពិភពលោក​អាចជា​រូបមន្ត​នៃ​ភាពជោគជ័យ​មួយ​៕

​ប្រែ​សម្រួល​ដោយ ភុ​ន ច័ន្ទ​ឧសភា​

Related Posts

Previous Article

ការ​នាំ​ចេញ​របស់​កម្ពុជា​ទៅ​កាន់​សហរដ្ឋ​អាមេរិក​មាន​ការ​កើន​ឡើង​

Next Article

វិស័យ​កសិកម្ម​ទទួល​បាន​លទ្ធផល​វិជ្ជមាន​ក្នុង​ឆ្នាំ ២០២០