cellcard cellcard cellcard

​រកឃើញ​ករណីឆ្លង​ក្នុង​សហគមន៍ ៦ ទៀតទាក់ទង​នឹងហាង Pedro នៅ​ផ្លូវ​ព្រះសីហនុ

តាំង រីនិត្យ / Khmer Times Share:
ហាងលក់សំលៀកបំពាក់ Pedro នៅ​ផ្លូវ​ព្រះសីហនុ។ KT/ ទេព សូនី

ករណីវិជ្ជមាន​កូវីដ-១៩ ចំនួន ៦ ទៀតដែលទាក់ទងនឹងហាងលក់សំលៀកបំពាក់ Pedro នៅរដ្ឋធានីត្រូវបានគេរកឃើញ ដែលនាំឱ្យមានករណីជាចង្កោមនៅហាងនេះកើន​ឡើងដល់ ៧ ករណី។

aba

ករណីទី ១ ពាក់ព័ន្ធនឹងបុរសជនជាតិខ្មែរអាយុ ២២ ឆ្នាំម្នាក់ដែលត្រូវបានគេធ្វើតេស្ត៍វិជ្ជមានចំពោះជម្ងឺកូវីដ-19១៩ បន្ទាប់ពីបានទាក់ទងដោយផ្ទាល់ជាមួយអ្នកជំងឺភេទស្រីអាយុ ២១ ឆ្នាំ ហើយក្រសួងសុខាភិបាលទើបតែរកឃើញនូវករណីថ្មីចំនួន ៦ ដែលទាក់ទងទៅនឹងហាងតែមួយនេះ ។

លោកស្រី យក់ សម្បត្តិ អ្នកនាំពាក្យក្រសួង​សុខាភិបាល​បាន​ឲ្យដឹងថា ក្រសួង​បាន​ប្រមូល​សំណាក​ពី​មនុស្ស​ ៦០ នាក់ ដែល​មាន​ទាក់ទង​នឹង​ព្រឹត្តការណ៍ «ហាង Pedro» ​ហើយ​បាន​រក​ឃើញថា មនុស្ស ៦ នាក់​បាន​ធ្វើ​តេស្តវិជ្ចមាន។

លោកស្រី​និយាយថា៖ «៦ ករណី​នេះ ប៉ាស្ទ័ទើបពិនិត្យ​ឃើញ​ពីមនុស្សជាង ៣០នាក់ ក្នុងចំណោម ៦២នាក់។ ចំណែកជាង ៣០នាក់ទៀតកំពុងធ្វើតេស្ត ហើយឡានសង្គ្រោះបន្ទាន់កំពុងតែទៅយកគាត់»។

លទ្ធផលនៃសំណាកចំនួន ៣២ ដែលនៅសេសសល់ត្រូវបានគេរំពឹងថានឹងត្រូវ​បាន​គេ​ប្រកាសឡើងនៅបន្តិចទៀត​ឬថ្ងៃសៅរ៍ដោយសារបរិមាណមនុស្សដែលត្រូវបានធ្វើតេស្ត​មាន​ចំនួន​ច្រើន។

ទន្ទឹមនឹងនេះដែរមនុស្ស ៦២ នាក់ដែលទាក់ទងនឹងហាងឌីមកុំព្យូទ័រ ដែលបុគ្គលិកវ័យ ៣៥ ម្នាក់ក៏បានធ្វើតេស្ត៍វិជ្ជមានចំពោះមេរោគកូវីដ ១៩ សុទ្ធសឹងតែធ្វើតេស្តិ៍អវិជ្ជមានចំពោះវីរុស ប៉ុន្តែនៅតែស្ថិតក្នុងចត្តាឡីស័ក ខណៈពួកគេរង់ចាំការធ្វើតេស្តលើកទី ២ ។

គិត​មក​ដល់ពេលនេះដែល លទ្ធផល​ធ្វើ​តេស្តពី​អ្នកដែល​ពាក់​ព័ន្ធ​នឹងអគារ​កាណាឌីយ៉ា​មិន​ទាន់​ត្រូវ​បាន​គេ​ប្រកាសនៅឡើយទេ។

នៅ​ថ្ងៃនេះ​ផងដែរ ក្រសួងសុខាភិបាលនៅថ្ងៃនេះបានប្រកាសណែនាំដាក់វិធានការណ៍មួយចំនួនសម្រាប់ប្រជាជននៅក្នុងទីតាំងអាជីវកម្មនៅទូទាំងប្រទេសជាពិសេសទីតាំងដែលពាក់ព័ន្ធនឹង « ព្រឹត្តិការណ៍សហគមន៍ ២៨ វិច្ឆិក» នាពេលថ្មីៗនេះក្នុងគោលបំណងដើម្បីទប់ស្កាត់ការរីករាលដាលនៃជំងឺកូវីដ-១៩ ។

គោលការណ៍ណែនាំដែលចេញដោយក្រសួងតម្រូវឱ្យនិយោជិកទាំងអស់នៅផ្សារទំនើបធនាគារហាងលក់រាយនិងបរិវេណអាជីវកម្មផ្សេងទៀតត្រូវពាក់ម៉ាស់ និងរបាំងការពារមុខនិងអនុវត្តគម្លាយសង្គមដោយនៅចម្ងាយយ៉ាងតិច ១,៥ ម៉ែត្រពីគ្នា។

អតិថិជនក៏តម្រូវឱ្យពាក់ម៉ាសវេជ្ជសាស្រ្តឬក្រណាត់ដើម្បីអាចចូលក្នុងកន្លែងអាជីវកម្មបាន។

សេចក្តី​ណែនាំបាន​ឲ្យដឹងថា៖ «ធនាគារ ផ្សារទំនើប និងហាងនីមួយៗ ត្រូវបំពាក់ម៉ាស៊ីនវាស់កំដៅស្វ័យប្រវត្តិ ឬទែម៉ូម៉ែត្រវាស់កំដៅដោយដៃ និងអាល់កុល ឬជែលលាងដៃ នៅគ្រប់ច្រកចូល និងដាក់អាល់កុល ឬជែលលាងដៃ នៅក្នុងទីតាំងប្រតិបត្តិការរបស់ខ្លួន និងតម្រូវឱ្យលាងដៃជាញឹកជាប់ ជាពិសេសបន្ទាប់ពីបានប៉ះពាល់វត្ថុផ្សេងៗ ក្រោយពេលចូលបន្ទប់ទឹក និងមុនពេលបរិភោគអាហារ។ល។»

គោលការណ៍ណែនាំក៏ណែនាំដល់ម្ចាស់អាជីវកម្មឬអ្នកគ្រប់គ្រងឲ្យពិនិត្យសីតុណ្ហភាពបុគ្គលិកយ៉ាងហោចណាស់បីដងក្នុងមួយថ្ងៃជៀសវាងការសួរស្វាគមន៍ដោយចាប់ដៃនិងរាយការណ៍ករណីគួរឱ្យសង្ស័យទៅក្រសួងសុខាភិបាលតាមរយៈទូរស័ព្ទលេខ ១១៥ ។

ក្រសួងគិតត្រឹមថ្ងៃនេះបានធ្វើការសាកល្បងមនុស្សជិតមួយពាន់នាក់ពាក់ព័ន្ធនឹងព្រឹត្តការណ៍សហគមន៍ថ្ងៃទី ២៨ ខែវិច្ឆិកាហើយរហូតមកដល់ពេលនេះបានរកឃើញករណីវិជ្ជមានចំនួន ២៩ ។

ទីតាំងអាជីវកម្មដែលពាក់ព័ន្ធនឹងការឆ្លងមេរោគក្នុងសហគមន៍នាពេលថ្មីៗនេះរួមមានផ្សារអ៊ីអនម៉ល ១ ធនាគារកាថេយូណៃធីត ធនាគារចិននិងអគារកាណាឌីយ៉ា ហាងឌីមកុំព្យូទ័រ ហាងPedro នៅផ្លូវព្រះសីហនុនិងគ្លីនិកចាក់អង្រែ។

ករណីថ្មីចំនួន ៦ ដូច្នេះធ្វើឱ្យចំនួនសរុបនៃការឆ្លងមេរោគអេដអាយភីនៅកម្ពុជាកើនដល់ ៣៤១ ករណី៕

Related Posts

Previous Article

កម្ពុជា​រកឃើញ​ករណីកូវីដ-១៩ នាំចូលបីទៀតស្រប​ពេល​មាន​ការ​ចម្លងក្នុង​សហគមន៍កាន់តែ​ច្រើន

Next Article

ការធ្វើតេស្តដំបូងរបស់មន្រ្តីរដ្ឋាភិបាល​ជាន់ខ្ពស់ទទួលបានលទ្ធផលអវិជ្ជមាន