cellcard cellcard cellcard

ក្រុមហ៊ុន EU Land and Pepper Investment របស់​សាធារណរដ្ឋ​ឆែក​ផ្ដល់​ឧបករណ៍​វេច​ខ្ចប់​ម្រេច​ដល់​សមាគម​លើក​កម្ពស់​ម្រេច​កំពត​

Jason Boken / Khmer Times Share:
​ជាមួយនឹង​បច្ចេកវិទ្យា​ថ្មី ក្រុមហ៊ុន​សង្ឃឹមថា​កសិក​រ​ខ្នាតតូច​នឹង​អាច​កែច្នៃ​ម្រេច​បាន​ប្រមាណ​ជា ១០ តោន​នៅ​ឆ្នាំ ២០២១ ខាងមុខ​។ Khmer Times

​ក្រុមហ៊ុន EU Land and Pepper Investment របស់​សាធារណរដ្ឋ​ឆែក​បានប្រគល់​ឧបករណ៍​វេច​ខ្ចប់​ម្រេច​ចំនួន ១០ គ្រឿងក្នុង​ពិធី​មួយ​ដែល​ធ្វើឡើង​កាលពី​ចុង​សប្តាហ៍​មុន​នៅក្នុង​ខេត្តកំពត​។​

​ការប្រគល់​ឧបករណ៍​នេះ​ត្រូវបាន​ធ្វើឡើង​នៅក្នុង​ពិធី​ចុះហត្ថលេខា​លើ​កិច្ចព្រមព្រៀង​ទិញ «​ម្រេច​កំពត​» រវាង​សមាគម «​ម្រេច​កំពត​» ជាមួយ​ប្រទេស​ឆែក និង​ក្រុមហ៊ុន « EU Land and Pepper Investment» ក្រោម​អធិបតីភាព​លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម លោក ជាវ តា​យ អភិបាល​ខេត្តកំពត និង​លោក Stěpán Vojnár ភារធារី​នៃ​ស្ថានទូត​ឆែក និង​ជា​អគ្គរដ្ឋទូត​ស្តីទី​ប្រទេស​ឆែក ប្រចាំ​នៅ​កម្ពុជា​។​

​ក្រៅពី​ផែនការ​ក្នុងការ​ណែនាំ​ឧបករណ៍​ដល់​ប្រជាកសិករ​ខ្នាតតូច ក្រុមហ៊ុន​ក៏បាន​ណែនាំ​វិធី​បន្ថែម​ដើម្បី​ផ្សព្វផ្សាយ និង​លក់​ម្រេច​កំពត​រួមទាំង​កា​រស​ម្ងួ​ត​ម្រេច​បៃតង​ស្រស់ បង្កើត​បណ្តាញ​ទំនាក់ទំនង និង​ទីផ្សារ​ឌីជីថល​។​

​តាមរយៈ​បច្ចេកវិទ្យា​នានា​កាលពីពេល​កន្លងទៅ​ដែល​លើកឡើង​ដោយ​ក្រុមហ៊ុន​កាលពី​ខែកុម្ភៈ ការទិញ​ឧបករណ៍​កែច្នៃ​ម្ហូបអាហារ​សម្រាប់​កសិករ​ក្នុងស្រុក​និង​កសិករ​ខ្នាតតូច​ត្រូវបាន​គាំទ្រ​ដោយ​ទីភ្នាក់ងារ​អភិវឌ្ឍន៍ Czech Development Agency​។ ដើម្បី​សំរេច​គោលដៅ​របស់​គំរោង ក្រុមហ៊ុន​របស់​ប្រទេស​ឆែក​នឹង​ធ្វើការ​យ៉ាង​ជិតស្និទ្ធ​ជាមួយ​សមាគម​លើកកម្ពស់​ម្រេច​កំពត (KPPA)​។​

​ក្នុង​ពិធី​នោះដែរ ក្រុមហ៊ុន​របស់​ប្រទេស​ឆែក​ក៏បាន​ប្រកាសថា​ខ្លួន​បាន​ប្រមូល​ថវិកា​ចំនួន ៤ ម៉ឺន​ដុល្លារ​តាមរយៈ​កិច្ចខិតខំ​ប្រឹងប្រែង​រៃអង្គាសប្រាក់​នៅ​សាធារណរដ្ឋ​ឆែក​សម្រាប់​គម្រោង​ធនាគារ​ស្បៀងអាហារ​ដែល​ត្រូវបាន​រចនា​ឡើង​ដើម្បី​ជួយ​ដល់​គ្រួសារ​កសិករ​ដាំ​ម្រេច​នៅ​ខេត្តកំពត​ដែល​រង​ផលប៉ះពាល់​ដោយ​ករណី​នៃ​វីរុស​កូ​វីដ​១៩ ។​

​ជាមួយនឹង​បច្ចេកវិទ្យា​ថ្មី ក្រុមហ៊ុន​សង្ឃឹមថា​កសិក​រ​ខ្នាតតូច​នឹង​អាច​កែច្នៃ​ម្រេច​បាន​ប្រមាណ​ជា ១០ តោន​សម្រាប់​ទីផ្សារ​នៅ​ឆ្នាំ ២០២១ ។​

​ស្ថាបនិក​គម្រោង Pepper Field និង​ជានា​យក​ប្រតិបត្តិ​ក្រុមហ៊ុន EU Land and Pepper Investment លោក David Pavel សង្ឃឹមថា​ក្រុមហ៊ុន​នឹង​ទទួលបាន​ស្ថានភាព​ពាណិជ្ជកម្ម​ដោយ​ស្មើភាព​។​

​លោក​ថា​៖ «​យើង​ត្រូវ​ប្រាកដថា​ប្រាក់ចំណូល​ទាំងអស់​នឹង​នៅ​ជាមួយ​កសិករ​គ្រប់រូប​។ តាម​អ្វីដែល​ខ្ញុំ​បានដឹង មិនទាន់មាន​ក្រុមហ៊ុន​ណាមួយ​ដែល​ទិញ​ម្រេច​កំពត​ផ្តាច់មុខ​ក្រោម​លក្ខខណ្ឌ​ពាណិជ្ជកម្ម​ដោយ​ស្មើភាព​នោះទេ​»​។​

​នៅ​សាធារណរដ្ឋ​ឆែក ក្រុមហ៊ុន​គឺជា​សមាជិក​នៃ​សមាគម​ទំនួល​ខុសត្រូវ​សង្គម Association of Social Responsibility ដែលមាន​គោលបំណង​លើកកម្ពស់​និង​បំពេញ​គោលដៅ​អភិវឌ្ឍន៍​ប្រកបដោយ​ចីរភាព (SDGs) ។​

​ដើម្បី​ជម្រុញ​ផែនការអាជីវកម្ម​រប​ស់​ខ្លួន​នៅក្នុង​ប្រទេស​កម្ពុជា ក្រុមហ៊ុន​បានទទួល​យក​នូវ​ការបង្កើត​ថ្មី​មួយចំនួន​។ ក្រៅពី​ការផ្សព្វផ្សាយ​ការលក់​តាម​ប្រព័ន្ធ​អន​ឡាញ ខ្លួន​ក៏បាន​ទទួល​បច្ចេកវិទ្យា​ដើម្បី​ស​ម្ងួ​ត​ម្រេច​ផងដែរ​។​

​បច្ចេកវិទ្យា​នេះ​នឹង​ថែរក្សា​ក្លិន​ដើម​របស់​ម្រេច​សម្រាប់​អតិថិជន​នៅ​អឺរ៉ុប​។ ក្រុមហ៊ុន​ក៏​កំពុង​ពិភាក្សា​អំពី​កិច្ចសហប្រតិបត្តិកា​រយ៉ា​ង​ជិតស្និទ្ធ​ជាមួយ​សមាគម​លើកកម្ពស់​ម្រេច​កំពត ក្នុងការ​បង្កើត​បណ្តាញ​ទំនាក់ទំនង​ឌីជីថល​ដែល​នឹងចូលរួម​លើកកម្ពស់​ការយល់ដឹង​អំពី​ម្រេច​កំពត​នៅ​ទូទាំង​ពិភពលោក​ផងដែរ​៕

​ប្រែ​សម្រួល​ដោយ ភុ​ន ច័ន្ទ​ឧសភា​

Related Posts

Previous Article

ក្រសួង​សុខាភិបាល​អំពាវនាវ​ឲ្យ​បញ្ឈប់​ស្តី​បន្ទោស​គ្នា ក្រោយ​ពី​កូវីត១៩ ចាប់​ផ្ដើម​ឆ្លង​ក្នុង​សហគមន៍​លើក​ដំបូង​

Next Article

ប្រាសាក់​ទទួល​បាន​សមតុល្យ​ប្រាក់​បញ្ញើ​សន្សំ​ចំនួន​ ​២​ ​ប៊ី​លាន​ដុល្លារ