cellcard cellcard cellcard

តម្រូវការ​អចលនទ្រព្យ​នៅតែមាន​ស្ថិរភាព​នៅ​កម្ពុជា​

Jason Boken / Khmer Times Share:
​ការសាងសង់​នៃ​បុរី The Palm នៅ​ខែតុលា​ឆ្នាំ ២០២០​។ រូបថត​ សហការី

​ទោះបីជា​មានការ​រីក​រា​ល​ដាល​ជាស​កល​នៃ​ជំងឺ​រាតត្បាត កូ​វីដ​១៩ និង​ផលប៉ះពាល់​អវិជ្ជមាន​ដែល​វា​មាន​ទៅលើ​កំណើនសេដ្ឋកិច្ច តំរូវការ​សំរាប់​លំនៅដ្ឋាន​​និង​អចលនទ្រព្យ​នៅ​កម្ពុជា​បាន​បន្ត​ដើរ​ក្នុងទិសដៅ​ត្រឹមត្រូវ​នៅ​ឆ្នាំនេះ​។​

​របាយការណ៍​ប្រចាំត្រីមាស​របស់​ការិយាល័យ​ឥណទាន​កម្ពុជា (CBC) បង្ហាញ​​ថា​ប្រាក់កម្ចី​ក្នុង​វិស័យ​អចលនទ្រព្យ​ឈានដល់ ៤,៦ ពាន់​លាន​ដុល្លារ​នៅ​ចុងខែ​កញ្ញា​ដែលជា​ការកើនឡើង​គួរឱ្យកត់សម្គាល់​ពី ៣,៩ ពាន់​លាន​ដុល្លារ​នៅ​ចុងឆ្នាំ ២០១៩ ។​

​របាយការណ៍​បង្ហាញថា ប្រាក់កម្ចី​មានទ្រព្យ​បញ្ចាំ​គឺជា​ផ្នែក​មួយ​នៃ​ប្រាក់កម្ចី​​ទូទៅ​ដែល​បាន​កត់ត្រា​ដោយ CBC ហើយ​គិត​ត្រឹម​រយៈពេល ៩ ខែ​ឆ្នាំ ២០២០ ប្រាក់កម្ចី​ផ្តល់​ដោយ​ធនាគារ​និង​ស្ថាប័ន​មីក្រូហិរញ្ញវត្ថុ​ឈានដល់ ៩,១១ ពាន់​លាន​ដុល្លារ​។​

​ប្រាក់កម្ចី​ទូទៅ​រួមមាន​ប្រាក់កម្ចី​ផ្ទាល់ខ្លួន បណ្ណ​ឥណទាន​និង​ប្រាក់កម្ចី​មានទ្រព្យ​បញ្ចាំ​។​

​នាយក​ជាន់ខ្ពស់​នៃ​ក្រុមហ៊ុន​អចលនទ្រព្យ CBRE Cambodia លោក James Hodge បាន​និយាយថា វា​ជាការ​លើកទឹកចិត្ត​ក្នុងការ​ទទួលបាន​ព័ត៌មាន​ពី CBC អំពី​ការកើនឡើង​នូវ​សកម្មភាព​នៅក្នុង​ទីផ្សារ​ផ្តល់​ប្រាក់កម្ចី​មានទ្រព្យ​បញ្ចាំ​។​

​លោក​បាន​កត់សម្គាល់ថា​៖ «​ការប្រើប្រាស់​ហិរញ្ញវត្ថុ​មានទ្រព្យ​បញ្ចាំ​កាន់តែ​ទូលំទូលាយ​នៅពេលនេះ​ចង្អុលបង្ហាញ​ពី​ភាពរឹងមាំ​ជា​មូលដ្ឋាន​នៅក្នុង​វិស័យ​លំនៅដ្ឋាន​និង​បង្ហាញ​ពី​ជំនឿ​របស់​អ្នកទិញ​ចំពោះ​ការរំពឹងទុក​រយៈពេល​វែង​នៃ​អចលនទ្រព្យ​ជា​ទ្រព្យសកម្ម​វិនិយោគ​» ។​

​លោក​បន្តថា​៖ « ដោយសារតែ​ការផ្តល់​ហិរញ្ញប្បទាន​ប្រាក់កម្ចី​មានទ្រព្យ​បញ្ចាំ​​ត្រូវបាន​ប្រើ​ជាទូទៅ​ដោយ​អ្នកទិញ​ក្នុងស្រុក តួលេខ​ទាំងនេះ​ក៏​បង្ហាញ​ពី​ការកើនឡើង​នូវ​ទំនុកចិត្ត​និង​សកម្មភាព​ពី​អ្នកទិញ​ក្នុងស្រុក​ដែលជា​និន្នាការ​ដែល​បានបង្ហាញ​យ៉ាងច្បាស់​ពី​សកម្មភាព​ទីផ្សារ​របស់​យើង​ក្នុង​កំឡុង​ឆ្នាំ ២០២០» ។​

​យោងតាម​របាយការណ៍​និន្នាការ​សេដ្ឋកិច្ច​របស់​ក្រសួង​សេដ្ឋកិច្ច​និង​ហិរញ្ញវត្ថុ​បាន​បង្ហាញថា មាន​លំនៅដ្ឋាន​ចំនួន ២ ៨១៩ គម្រោង​ស្មើនឹង ៨៤ ភាគរយ​នៃ​គម្រោង​សាងសង់​សរុប​ចំនួន ៣ ៣៥០ ក្នុង​រយៈពេល ៨ ខែ​ដំបូង​នៃ​ឆ្នាំនេះ​។​

​របាយការណ៍​បាន​គូសបញ្ជាក់ថា តំរូវការ​លំនៅដ្ឋាន​នៅក្នុង​ប្រទេស​កម្ពុជា​នៅតែ​បន្ត​កើនឡើង ទោះបីជា​វិបត្តិ​ជំងឺ​កូ​វីត​១៩ បានធ្វើ​ឲ្យ​ចុះខ្សោយ​មូលដ្ឋាន​សេដ្ឋកិច្ច​ដទៃទៀត​ក៏ដោយ​។​

​ការវិនិយោគ​មួយ​ដែល​ហាក់ដូចជា​មានការ​ពេញនិយម​នៅក្នុង​រដ្ឋធានី​នៅ​ឆ្នាំនេះ​គឺជា​ការវិនិយោគ​នៅ The Palms ដែលជា​ការអភិវឌ្ឍ​ថ្មី​នៅក្នុង​បេះដូង​នៃ​រាជធានី​ភ្នំពេញ​ដែល​រួមបញ្ចូល​គ្នា​នូវ​ការរស់នៅ​ដ៏​ប្រណិត​ភាពងាយស្រួល​និង​ភាពស្រស់​ស្រាយ​នៃ​ធម្មជាតិ​។​

​ដោយ​ត្រូវបាន​ហៅថា «​ការអភិវឌ្ឍន៍​សរីរាង្គ​» គម្រោង The Palm ស្ថិតនៅ​លើដី​​ដ៏​ធំ ដែល​ទល់មុខ​នឹង​ដង​ទន្លេមេគង្គ​ដែលជា​ផ្ទៃ​ទឹក​ដ៏​អស្ចារ្យ​មួយ​ដែល​ហូរ​កាត់​ទីក្រុង​ភ្នំពេញ​និង​តំបន់​ជុំវិញ​។​

​គម្រោង The Palm មាន​បណ្តុំ​ផ្ទះ​ជាង ២០០ ខ្នង និង​វីឡា​ប្រណីត​ដែល​ផ្តល់​​ឱ្យ​អ្នករស់នៅ​នូវ​ទេសភាព​ដ៏​ស្រស់ត្រកាល​នៃ​ផ្ទៃ​ទន្លេ​។​

​វីឡា​រមណីយដ្ឋាន​ដែលមាន​ផ្ទៃក្រឡា​ចន្លោះ​ពី ៣៧៧ ម៉ែត្រការ៉េ ទៅ ១ ០៨៦ ​ម៉ែត​ការ៉េ​រួមបញ្ចូល​ទាំង​ផ្នែក​ខាងក្រៅ​ប្រណីត​ឆើតឆាយ​និង​ខាងក្នុង​ដែល​ត្រូវបាន​គេ​រចនា​ឡើង​យ៉ាង​ល្អ​ដែល​មិនអាច​រកបាន​នៅ​កន្លែង​ណា​ផ្សេងទៀត​នៅ​ក្នុង​រាជធានី​។ វីឡា​នេះ​ផ្តល់ជូន​នូវ​ការរស់នៅ​ប្រកបដោយ​ឧត្តមភាព​។​

​ក្រៅពី​កន្លែង​រស់នៅ​ផ្តាច់មុខ អ្នករស់នៅ​ក៏ត្រូវ​បានផ្តល់​ជូន​នូវ​សេវាកម្ម​ដ៏​សំបូរបែប​រួមមាន​ឆ្នេរ​សិប្បនិម្មិត អាង​ហែល​ទឹក​ថែទាំ​សុខភាព អាង​ហែល​ទឹក​កម្សាន្ត​និង​កន្លែង​អាំង​សាច់​៕

Related Posts

Previous Article

សហគ្រិន​ខ្មែរ​បាន​ចុះ​ហត្ថលេខា​លើ​កិច្ច​ព្រមព្រៀង​ផ្តល់​ហិរញ្ញប្បទាន ជាមួយ​ធុរកិច្ច​បង្កើត​ថ្មី និង​សហគ្រាស​ធុន​តូច និង​មធ្យម​ចំនួន ២៧

Next Article

ក្រសួងបដិសេធការអំពាវនាវរបស់អង្គការក្រៅរដ្ឋាភិបាលអោយលុបចោលច្បាប់ស្តីពីការញុះញង់