cellcard cellcard cellcard

ការអប់រំ​ឌីជីថល​នឹងត្រូវ​បាន​បន្ត​ជា​អាទិភាព​

​គុជ នី​ត្ថា​ទេវី / ខ្មែរ​ថា​ម​ស៍​ Share:
ការអប់រំ​តាមឌីជីថល​គឺជា​ផ្នែក​មួយ​នៃ​គោលនយោបាយ​របស់​រដ្ឋា​ភិ​បាលកម្ពុជា។ KT/ ជរ សុគន្ធា

​ក្រសួង​អប់រំ​កំពុង​សហការ​ជាមួយ​មជ្ឈមណ្ឌល​អន្តរ​ជាតិ​សម្រាប់​ការច្នៃប្រឌិត​ជាន់ខ្ពស់​នៃ​យូណេស្កូ (Unesco-ICHEI) ដើម្បី​ធ្វើ​ពិពិធ​កម្ម​ឧ​ត្ត​ម​សិក្សា​ជាមួយនឹង​កម្មវិធី​ផ្តោតលើ​ប្រព័ន្ធ​ឌីជីថល​។​

aba

​កម្មវិធី​អប់រំ​ឌីជីថល​គឺជា​ផ្នែក​មួយ​នៃ​គោលនយោបាយ​របស់​រដ្ឋា​ភិ​បាល​ទាក់ទង​នឹង​ទិសដៅ​នៃ​សេដ្ឋកិច្ច​ឌីជីថល​កម្ពុជា​។​

​គម្រោង​នេះ​នឹង​ផ្តោតលើ​ការលើកកម្ពស់​ការអប់រំ​ឌីជីថល​តាមរយៈ​បណ្តាញ និង​ផ្លាស់ប្តូរ​ចំណេះដឹង​ឌីជីថល​។ ក្រសួង​មាន​គោលបំណង​សំរេច​គោលដៅ​អភិវឌ្ឍន៍​ប្រកបដោយ​ចីរភាព​ទី ៤ របស់ខ្លួន​ដើម្បី​ផ្តល់​ការអប់រំ​ប្រកបដោយ​គុណភាព​។​

​អ្នកនាំពាក្យ​ក្រសួង​អប់រំ លោក រស់ សុ​វាចា បាន​និយាយថា ក្រសួង​មាន​ផែនការ​លើកកម្ពស់​ការ​អប់រំ​ឌីជីថល​តាមរយៈ​កម្មវិធី​បច្ចេកវិទ្យា​ព័ត៌មាន និង​សារគមនាគមន៍​ដែលជា​ឧបករណ៍​សម្រាប់​បង្រៀន និង​សិក្សា​។​

​លោក សុ​វាចា បាន​និយាយថា​៖ «​កម្មវិធី​នេះ​មាន​គោលបំណង​ដើម្បី​ធានាថា​និស្សិត​កម្ពុជា​ទាំងអស់​បញ្ចប់​ការសិក្សា​ជាមួយនឹង​ចំណេះដឹង និង​ជំនាញ​ដែល​នឹង​ជួយ​ពួកគេ​ឱ្យ​បន្ត​ការសិក្សា និង​ធ្វើការ​ប្រកបដោយ​វិជ្ជាជីវៈ​» ។​

​លោក​បាន​បន្ថែមថា​៖ «​ខ្ញុំ​ជឿជាក់ថា អាទិភាព​នៃ​ការអប់រំ​ឌីជីថល​ជាពិសេស​នៅក្នុង​បរិបទ​នៃ​កូ​វីដ​១៩ នឹង​ជំរុញ​ឱ្យ​ក្រសួង ស្ថាប័ន ដៃគូ​អភិវឌ្ឍន៍ និង​អ្នកពាក់ព័ន្ធ​នានា​ណែនាំ​កម្មវិធី​បន្ថែមទៀត​ដើម្បី​គាំទ្រ​គំនិត​ផ្តួចផ្តើម​នេះ​» ។​

កិច្ចខិតខំ​ប្រឹងប្រែង​នេះ​ក៏​រួមបញ្ចូល​ទាំង​ការបង្កើត​វិទ្យាស្ថាន​អន្តរជាតិ​នៃ​ការ​​អប់រំ​តាម​អ៊ិន​ធឺរ​ណែ​ត​ក្នុង​ភាពជា​ដៃគូ​ជាមួយ​ស្ថាប័ន​ឧ​ត្ត​មសិ​ក្សា​យ៉ាងតិច​ចំនួន ១០ នៅ​ប្រទេស​កម្ពុជា​។​

​សាលារៀន​នៅ​ទូទាំងប្រទេស​បានទទួល​យក​ការរៀនសូត្រ​តាម​អ៊ិន​ធើ​ណិ​ត​​ក្នុងកំឡុងពេល​ជំងឺ​រាតត្បាត​កូ​វីដ​១៩ ។​

​លោក ហេង វ៉ាន់ដា នាយក​ក្រុមប្រឹក្សាភិបាល​នៃ​ឧ​ត្ត​មសិ​ក្សា​បាន​និយាយថា ​កម្មវិធី​នេះ​បាន​ជួយ​បង្កើន​ចំណេះដឹង​ផ្នែក​ឌីជីថល​យ៉ាង​ឆាប់រហ័ស​ក្នុងចំណោម​យុវជន​ជំនាន់​ក្រោយ ព្រោះ​ពី​កាលពីមុន វា​គឺជា​មុខវិជ្ជា​ដែល​សិក្សា​នៅ​ថ្នាក់​ឧ​ត្ត​មសិ​ក្សា​។​

​ចាប់តាំងពី​ឆ្នាំ ២០១៦ មក​ក្រសួង​អប់រំ និង Unesco-ICHEI បាន និង​កំពុងធ្វើការ​យ៉ាង​ជិតស្និទ្ធ​ដើម្បី​លើកកម្ពស់​ការអប់រំ​នៅ​កម្ពុជា​។​

​លោក ហេង វ៉ាន់ដា បាន​និយាយថា​៖ «​ការណែនាំ​ការអប់រំ​ឌីជីថល​ដំបូង​បង្កើត​​ឱកាស​កាន់តែច្រើន​សម្រាប់​និស្សិត​វ័យក្មេង​ដើម្បី​អនុវត្ត​ចំណេះដឹង​របស់​ពួកគេ និង​ចូលរួម​ការប្រកួតប្រជែង​។ ប្រសិនបើ​មានកម្ម​វិធី​ទាំងនេះ​ផ្តោតលើ​ការសិក្សា​ឌីជីថល​បន្ថែមទៀត​ពី​ក្រសួង នោះ​ការប្រកួតប្រជែង​ឌីជីថល​របស់​យើង​នឹងមាន​ការរីកចម្រើន​យ៉ាងខ្លាំង​» ។​

​លោក​បាន​បន្ថែមថា​៖ «​សង្គម​បាន​ផ្លាស់ប្តូរ និង​ឆ្ពោះទៅរក​អាជីវកម្ម ពាណិជ្ជកម្ម និង​សេដ្ឋកិច្ច​បែប​ឌីជីថល ដូច្នេះ​និស្សិត​ដែល​គ្មាន​ចំណេះដឹង​ឌីជីថល​អាច​ដើរ​យឺត​ក្នុងការ​ចូលរួមចំណែក​ដល់​សង្គម និង​សេដ្ឋកិច្ច​របស់​ប្រទេស​យើង​» ។​

​លោក​ហេង វ៉ាន់ដា បាន​និយាយ​បន្ថែមថា​៖ «​ខ្ញុំ​គិតថា ការអប់រំ​ឌីជីថល​គួរតែ​​ត្រូវបាន​ផ្តោតជាសំខាន់​បន្ថែមទៀត ហើយ​ថវិកាជាតិ​គួរតែ​បែងចែក​ឱ្យបាន​​ច្រើន​សម្រាប់​វិស័យនេះ​។ ដូច្នេះ​មជ្ឈមណ្ឌល​អប់រំ និង​ស្ថាប័ន​ក៏ត្រូវ​មានការ​អប់រំ​ផងដែរ​លើ​បច្ចេកវិទ្យា​ឌីជីថល និង​បច្ចេកវិទ្យា​» ៕ ប្រែ​សម្រួល​ដោយ ​សុខ ស្រី​លុច

Related Posts

Previous Article

ក្រសួង​ត្រួតពិនិត្យ​កន្លែង​លេង​កីឡា​ដើម្បី​ធានាបាន​នូវ​វិធានការណ៍​ការពារ​

Next Article

សហព័ន្ធ​ស្វាយចន្ទី​កម្ពុជា​ត្រូវ​បាន​បង្កើត​ឡើង​ដើម្បី​ជំរុញ​វិស័យនេះ​ចូល​ទៅ​ក្នុង​ទីផ្សារ​អន្តរជាតិ​