cellcard cellcard

ខេត្ត​ព្រៃវែង​ជា​ខេត្ត​ដែល​ទទួល​បាន​ទិន្នផល​ស្រូវ​ខ្ពស់​ជាង​គេ​នៅ​ឆ្នាំ ២០២០

សំ កន្និកា / Khmer Times Share:

​ខេត្តព្រៃវែង​គឺជា​ខេត្ត​ដែល​ទទួលបាន​ទិន្នផល​ស្រូវ​ខ្ពស់​ជាងគេ​នៅក្នុង​ប្រទេស​គិត​មកដល់​ពេលបច្ចុប្បន្ន​ក្នុង​ឆ្នាំ​២០២០​នេះ ខណៈដែល​កាលពីពេល​កន្លងទៅ​មានតែ​ខេត្តបាត់ដំបង​ប៉ុណ្ណោះ​។​

​ឯកឧត្តម វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ​បាន​មានប្រសាសន៍ថា​ឆ្នាំនេះ ទិន្នផល​ស្រូវ​ចំនួន ១,៤ លាន​តោន​ត្រូវបាន​ដាំ​ដុះ​ក្នុង​ខេត្តព្រៃវែង ដែល​បានធ្វើឱ្យ​ខេត្ត​មួយ​នេះ​ក្លាយជា​អ្នក​ផលិត​អង្ករ​ដ៏​ធំជាងគេ​នៅ​កម្ពុជា​។​

​ជាមួយគ្នានេះ​ផងដែរ ការកើនឡើង​ជារួម​នៃ​ផលិតកម្ម​ស្រូវ​ពី​បណ្ដា​ខេត្ត​នានា​ក្នុងប្រទេស​កម្ពុជា​ក៏មាន​ភាពប្រសើ​ឡើង​ផងដែរ ខណៈដែល​ការរីក​រាលដាល​នៃ​វីរុស​កូ​វីដ​១៩​បាន​បង្ក​ឲ្យ​មានការ​ព្រួយបារម្ភ​លើ​សន្តិសុខ​ស្បៀង ។​

​លោក វេ​ង សាខុន បាន​មានប្រសាសន៍ថា ខេត្តព្រៃវែង​មាន​សមត្ថភាព​នាំចេញ​អង្ករ​បាន​ចំនួន​ប្រមាណ​ជា ៣០០ ទៅ ៥០០ តោន​ក្នុង​មួយថ្ងៃ ។​

​លោក​បាន​បន្ត​ឲ្យ​ដឹងថា​តួលេខ​ទាំងនេះ​មាន​ភាព​ប្រហាក់ប្រហែល​ទៅនឹង​តួរ​លេខ​ក្នុង​ខេត្តកំពត តាកែវ និង​ស្វាយរៀង​។​

«​គិត​ត្រឹម​ថ្ងៃទី ២៥ ខែមិថុនា ខេត្តព្រៃវែង​បាន​សាប​ព្រួស​ស្រូវ​ចំនួន ១៦៥,២២៨ ហិកតា ស្មើនឹង ៦៦.០៩ ភាគរយ​នៃ​ផ្ទៃដី​កសិកម្ម​សរុប​របស់ខ្លួន​។​»

​លោក​បាន​បន្ត​ឲ្យ​ដឹង​ទៀតថា​៖ «​គិត​ចាប់ពី​ថ្ងៃទី ២២ ខែឧសភា​ដល់​ថ្ងៃទី ២៥ ខែមិថុនា ខេត្តព្រៃវែង​បាន​នាំចេញ​អង្ករ​ចំនួន ៧២.៤២៥ តោន​ទៅកាន់​ប្រទេស​វៀតណាម​។​»

​លោក​បាន​បន្ថែមថា​៖ «​កត្តា​ដែល​បណ្តាលឱ្យ​ខេត្តព្រៃវែង​ទទួលបាន​ទិន្នផល​ច្រើន​បែបនេះ​គឺ​ទាក់ទង​ទៅនឹង​ទីតាំង​ភូមិសាស្ត្រ​ល្អ និង​អាកាសធាតុ​អំណោយផល​ដែល​បានធ្វើឱ្យ​កសិករ​អាចធ្វើ​ការដាំដុះ​ស្រូវ​បាន​គ្រប់​រដូវ​កាល​។​»

​គួរបញ្ជាក់​ឲ្យ​ដឹងផង​ដែរ​ថា ខេត្តព្រៃវែង​មាន​ផ្ទៃដី​ដាំ​ដុះ​សរុប​ចំនួន ៤.៨៨៨ ហិកតា ដែល​រួមមាន​ពោត​ចំនួន ២.៧៤០ ហិកតា សណ្តែក​ទំហំ ៩២ ហិកតា ដំឡូង​មី ១.០៣៥ ហិកតា សណ្តែកដី ៣៥ ហិកតា ល្ង ២៩៣ ហិកតា អំពៅ ៦០២ ហិកតា និង​ដំណាំ​សាកវប្បកម្ម​ទំហំ ៨៨៣ ហិកតា​៕

​ប្រែ​សម្រួល ភុ​ន ច័ន្ទ​ឧសភា​

Related Posts

Previous Article

ក្រុមហ៊ុន​ជប៉ុន​ជិត ៩០ ក្រុមហ៊ុន​នៅ​កម្ពុជា​បាន​រង​ការ​ប៉ះពាល់​ដោយ​សារ​វីរុស​កូវីដ​១៩

Next Article

ការ​ធ្វើ​ដំណើរ​រវាង​កម្ពុជា ​និង​ម៉ាឡេស៊ី​នឹង​វិល​ត្រលប់​មក​វិញ​ក្រោយ​ពី​វិបត្តិ​កូវីដ​១៩​ចប់