cellcard cellcard

Smart Axiata ប្រកាស​មូលនិធិ​ដើម្បី​ដោះស្រាយ​ការ​រាតត្បាត​នៃ​វីរុស​កូ​វីដ​១៩

Harrison White / Khmer Times Share:

​ក្រុមហ៊ុន​ទូរគមនាគមន៍​ឈានមុខ​គេ​មួយ​របស់​ប្រទេស​កម្ពុជា Smart Axiata បានប្រកាស​​ផ្តល់ជំនួយ​មូលនិធិ​ទឹកប្រាក់​ចំនួន​មួយ​លាន​ដុល្លារ​អាមេរិក ដើម្បី​ទប់ស្កាត់​វីរុស​កូ​វីដ​១៩​។​

​គំនិត​ផ្តួចផ្តើម​នៃ​ការ​ផ្តល់ជំនួយ​មូលនិធិ​នេះ​នឹង​រួមបញ្ចូល​ទាំង​កម្មវិធីសិក្សា​ជាក់ស្តែង​នៅតាម​សហគមន៍​ដាច់ស្រយាល​ដោយ​អង្គការ Save the Children កម្មវិធី​អប់រំ​អនាម័យ​ផ្ទាល់ខ្លួន​ដោយ​មូលនិធិ East Meets West Foundation និង​ការបណ្តុះបណ្តាល​វិជ្ជាជីវៈ​តាម​​អន​ឡាញ​ដោយ Bayon Education and Development​។​

​លើសពីនេះទៅទៀត មូលនិធិ​នេះ​ក៏​ផ្ដល់​ជា​ជំនួយ​ហិរញ្ញវត្ថុ​សម្រាប់​សមាគម​សហគ្រិន​​វ័យក្មេង​កម្ពុជា (Young Entrepreneurs Association of Cambodia) និង Impact Hub ភ្នំពេញ​ផងដែរ​។​

​គួរបញ្ជាក់​ឲ្យ​ដឹងផង​ដែរ​ថា កាលពី​ខែមីនា​កន្លងទៅ ក្រុមហ៊ុន Smart Axiata បានប្រកាស​ក្នុងការ​ផ្ដល់​មូលនិធិ​នេះ ក្នុងការ​ចូលរួមចំណែក​ជួយ​ទៅដល់​រាជរដ្ឋាភិបាល​នៃ​ព្រះរាជាណាចក្រ​កម្ពុជា ដើម្បី​ដោះស្រាយ ការ​រាតត្បាត​នៃ​វីរុស​កូ​វីដ​១៩​។​

​មូលនិធិ​ដែល​ផ្ដល់​ដោយ​ក្រុមហ៊ុន​ស្មា​ត​នេះ​ត្រូវបាន​រំពឹងថា​នឹង​ផ្តល់ជំនួយ​ជា​ថវិកា​សម្រាប់​ដំណោះស្រាយ​ផលប៉ះពាល់​ដើម្បី​ដោះស្រាយ​តម្រូវការ​បន្ទាន់​នានា​របស់​ប្រទេស​កម្ពុជា​ក្នុងកំឡុងពេល​និង​ក្រោយ​វិបត្តិ​នៃ​វីរុស​កូ​វីដ​១៩​នេះ​។​

​លោក ថូ​ម៉ាស ហ៊ុន (Thomas Hundt) នាយក​ប្រតិបត្តិ​ក្រុមហ៊ុន Smart Axiata បាន​មានប្រសាសន៍ថា​៖ «​ស្ថាប័ន​ដែល​នឹង​ទទួលបាន​ជំនួយ​ហិរញ្ញវត្ថុ​ពី​មូលនិធិ​នេះ ត្រូវបាន​ជ្រើសរើស បន្ទាប់ពី​ការអំពាវនាវ ស្វែងរក​ជំនួយ​សម្រាប់​ជួយ ដល់​សហគមន៍​តាម​ជនបទ ក្នុងការ​ប្រើប្រាស់​កម្មវិធី អប់រំ​តាម​ប្រព័ន្ធ​អន​ឡាញ ដែល​ផ្ដួចផ្ដើមឡើង ដោយ​រាជរដ្ឋាភិបាល​កម្ពុជា ព្រមទាំង​ជំនួយ​គាំទ្រ សម្រាប់​សហគមន៍​អាជីវកម្ម ទើប​បង្កើត​ថ្មី សហគ្រាស​ធុន​តូច និង​មធ្យម (MSMEs) ដែល​ទទួលរង​ផលប៉ះពាល់ ពី​វិបត្តិ​នេះ​ផងដែរ​»៕ ប្រែ​សម្រួល សុខ ស្រី​លុច​

Related Posts

Previous Article

រដ្ឋមន្រ្តីជំរុញបង្កើនការយកចិត្តទុកដាក់លើការថែទាំសុខភាពមាតានិងទារក

Next Article

តំបន់​សេដ្ឋកិច្ច​ពិសេស​ប្រឈម​ឧបសគ្គ​ដោយ​សារ​កូវីដ ១៩