cellcard cellcard

JICA ផ្តល់ថវិកាចំនួន ៣២ លានដុល្លារសម្រាប់វិស័យទឹកស្អាត

សុខ ចាន់ / Khmer Times Share:
JICA

រាជរដ្ឋាភិបាលកម្ពុជានិងទីភ្នាក់ងារសហប្រតិបត្តិការអន្តរជាតិជប៉ុន (JICA) បានចុះហត្ថលេខាលើកិច្ចព្រមព្រៀងផ្តល់ហិរញ្ញប្បទានឥតសំណងដែលមានទំហំថវិកាសរុបចំនួន ៣២ លានដុល្លារដើម្បីពង្រីកប្រព័ន្ធផ្គត់ផ្គង់ទឹកស្អាតនៅក្រុងតាខ្មៅ។

កិច្ចព្រមព្រៀងនេះត្រូវបានចុះហត្ថលេខាដោយលោកឧបនាយករដ្ឋមន្ដ្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោក Yuichi SUGANO ប្រធានតំណាង JICA ប្រចាំនៅកម្ពុជាកាលពីថ្ងៃច័ន្ទកន្លងទៅ។

គម្រោងនេះមានគោលបំណងធ្វើឱ្យការផ្គត់ផ្គង់ទឹកស្អាតនៅក្រុងតាខ្មៅមានភាពប្រសើរឡើងតាមរយៈការសាងសង់ទីតាំងផ្គត់ផ្គង់ទឹកស្អាតថ្មីដែលមានសមត្ថភាពក្នុងការផលិតទឹកស្អាតចំនួន ៣ ម៉ឺនម៉ែត្រគូបក្នុងមួយថ្ងៃ ដែលគ្រោងនឹងបញ្ចប់ការសាងសង់នៅឆ្នាំ ២០២៣ខាងមុខ ។

ម៉ាស៊ីនចម្រោះទឹកនឹងទាញយកទឹកពីទន្លេក្នុងតំបន់ហើយដំណើរការវាតាមរយៈប្រព័ន្ធ SCADA សម្រាប់តាមដាន និងបញ្ជាដំណើរការរបស់រោងចក្រ ខណៈដែល JICA បានបញ្ជាក់ថាប្រព័ន្ធនេះពិតជាមានសារៈសំខាន់ណាស់ក្នុងការធានាឲ្យបានថាទឹកស្អាតត្រូវបានផ្គត់ផ្គង់ក្នុងក្រុងតាខ្មៅ។

ជាមួយគ្នានេះផងដែរ គម្រោងនេះនឹងមិនត្រឹមតែជួយសម្រួលដល់សេវាកម្មផ្គត់ផ្គង់ទឹកស្អាតនៅក្រុងតាខ្មៅនិងតំបន់ជុំវិញប៉ុណ្ណោះទេ ប៉ុន្តែថែមទាំងជួយកាត់បន្ថយតម្រូវការក្នុងការផ្គត់ផ្គង់ទឹកស្អាតពីរាជធានីភ្នំពេញផងដែរ៕ ប្រែសម្រួល ភុន ច័ន្ទឧសភា

Previous Article

រយៈពេល៤ខែក្រសួងចងក្រងបទល្មើសធនធានធម្មជាតិជាង ២០០ ករណីទៅតុលាការ

Next Article

ផែនការមេបង្ហាញពីការអភិវឌ្ឍអាកាសយានដ្ឋានក្នុងក្រុងព្រះសីហនុនាពេលអនាគត