អាជ្ញាធរថៃចាប់បានពលករខ្មែរ ឆ្លងដែនខុសច្បាប់ ៨០ នាក់

ឃ៊ី សុវុឌ្ឍី / Khmer Times No Comments Share:
migrant workers
សម្មត្ថកិច្ចថៃ​ចាប់​ឃ៊ំខ្លួន​ពលករ​ឆ្លងដែន​ខុសច្បាប់ខ្មែរ។ រូបថត សហការី

អាជ្ញាធរថៃកាលពីម្សិលមិញបានចាប់ខ្លួនជនជាតិខ្មែរចំនួន ៨០ នាក់ ដែលសង្ស័យថា បានឆ្លងដែនខុសច្បាប់ពីខេត្តបន្ទាយមានជ័យ ចូលទៅខេត្ត ឆាក់ឈើងសាវ។

តាមគេហទំព័រព័ត៌មានថៃមួយបានរាយការណ៍ថា ការវាយឆ្មក់មួយត្រូវបានធ្វើឡើង បន្ទាប់ពីប្រជាពលរដ្ឋថៃម្នាក់ បានរាយការណ៍ពីវត្តមានជនអន្តោប្រវេសន៍កម្ពុជា មួយក្រុមនៅក្នុងព្រៃក្នុងស្រុក បាងក្លា។

គេហទំព័របានរាយការណ៍ថា មន្រ្តីយោធាសហការជាមួយអាជ្ញាធរស្រុក បានវាយឆ្មក់តំបន់នោះ ហើយបានឃើញពលករ ៨០ នាក់ បានលួចចូលប្រទេសថៃដោយខុសច្បាប់។

ព័ត៌មានដដែលបានឲ្យដឹងថា «កម្មករអន្តោរប្រវេសន៍កម្ពុជាបានសារភាពថា ពួកគេបានឆ្លងដែនចូលមកទីនេះកាលពីព្រឹកម្សិលមិញ ដើម្បីរង់ចាំរថយន្តមកទទួលពួកគេបន្តទៅធ្វើការ តាមខេត្តផ្សេងៗទៀត»។ ពួកគេទាំងអស់ត្រូវបានឃុំខ្លួននៅក្នុងសាលាស្រុក បាងក្លា។

ឧត្តមសេនីយ៍ឯក ណែត សំអាត ប្រធានស្តីទីនៃ កងយុទ្ឋពលខេមរភូមិន្ទ នៃការិយាល័យទំនាក់ទំនងព្រំដែនកម្ពុជា-ថៃ បាននិយាយកាលពីម្សិលមិញថា លោកមិនទាន់ទទួលបានព័ត៌មានអំពីការចាប់ខ្លួននេះទេ។

លោកបានមានប្រសាសន៍ថា “ខ្ញុំមិនទាន់បានទទួលព័ត៌មានណាមួយទេ ប៉ុន្តែខ្ញុំនឹងពិនិត្យមើលព័ត៌មាននេះ”។

លោក អាត់ ខែម ស្នងការខេត្តបន្ទាយមានជ័យ មិនអាចទាក់ទងសុំការបំភ្លឺបានទេកាលពីម្សិលមិញ។

កាលពីខែមុនលោក ស ខេង រដ្ឋមន្រ្តីក្រសួងមហាផ្ទៃបានសម្តែងការព្រួយបារម្ភ ចំពោះកម្មករខុសច្បាប់កម្ពុជា ដែលបានបញ្ជូនត្រឡប់មកពីប្រទេសថៃវិញ ប៉ុន្តែទទួលបានរងរបួសក្រោយពីបានធ្វើការនៅក្នុងប្រទេសថៃ។

មិនថាពួកគេមានឯកសារ ឬគ្មានឯកសារទេ ពេលពួកគេត្រូវបានបញ្ជូនត្រលប់មកវិញ ហើយអ្នកខ្លះក៏ធ្លាក់ខ្លួនពិការ។ នេះជាបញ្ហាដែលយើងសោកស្តាយ និងឈឺចាប់បំផុត»។ ពួកគេចេញពីកម្ពុជាទៅមានកាយសម្បទារគ្រប់គ្រាន់ ប៉ុន្តែពេលវិលត្រឡប់មកវិញ ពួកគេពិការជើង ពិការដៃ ឬពិការភ្នែក។ ដូច្នេះវាគឺជាសោកនាដកម្មមួយ ដែលយើងមិនអាចព្រងើយកន្តើយបានឡើយ”។

លោកបានបន្ថែមថា រដ្ឋាភិបាលត្រូវតែស៊ើបអង្កេតបញ្ហានេះ ពីព្រោះពេលដែលជនភៀសខ្លួនដែលត្រឡប់មកវិញ ពួកគេបានរងរបួស ដែលនោះជាបន្ទុករបស់គ្រួសារ និងរដ្ឋាភិបាលបន្ថែមទៀត៕

Share and Like this post

Related Posts

Previous Article

ផ្លូវដែក​កម្ពុជា​និង​ថៃ​ ​តភ្ជាប់​ប៉ុន្ដែ​ ​នៅ​មិនទាន់​ដឹកទំនិញ​បាន​នៅឡើយ​

Next Article

រាជធានី​ភ្នំពេញ ​សិក្សា​ពី​កាមេរ៉ា​សុវត្ថិភាព​វៃឆ្លាត​​ ដែល​ថត​បាន​ចម្ងាយ ១០គីឡូម៉ែត្រ​